$/₪▓Ξ❤Ξ»¯−ـالتجمع السادس لمواليد 4أبريل 5مايو 6يونيو ـ−¯«Ξ❤Ξ▓₪/$

صباح الخير كروشات

متضايقة وابي شورتكم واخاف ينشال لان موضوعي ماله علاقة بس من جد متضايقة
انا لي اسبوعين ماخذة اجازة نزفت وقال الدكتور رااااااااااااااااحة تامة وانا معلمة متعاقدة << من فئة الغلابة
وش تتوقعون !!! صار اليوم
اتصلت علي المديرة تقول جاء ندب لزميلتك ولازم تمسكين منهجها قلت ماهمني الحصص همني راح يكون عندي تحضيرين وكل المنهجين جدد اول مرة امسكها وانا حاااااااااااااااااامل والله يعلم اني حملت بعد 3 سنوات ونص من زواجي وسبق سقطت المهم رفضت
زوجي طلب اني استقيل !!!!!!!!!!!!! ومادري اوافقه او احاول في المديرة تخلي غيري يمسك رغم انه في المدرسة غيري يقدر يمسك وماشاء الله عليها رسمية بعد بس رفضت والمديرة مالقت الا انا
ادري طولت عليكم ويمكن هنا مو محله بس متضايقة احب عملي وهم مايرحموووووووووون ابي رايكم وش اسوي

ياقلبي ارتااااااااااااااحي وابعدي الهم بقراءه القرءان
وارتاحي عشان تفرحي ان شاء الله بشوفه البيبي
لازم نتحمل لو شوي
والله يسهل امركـ ياقلبي
مع اني مو عارفه حمل انابيب والربط


هلا والله حلم الفراشات
كيفك
ياقلبي الله يبعد عنك الضيقه والهم
طيب حاولي بالمديره تعطي المنهج لغيركـ
لانه والله تعب عليكي
وخصوصا انتي حامل بعد اجهاض
لامه فيه خوف تجهضي تاني
فهميها وضعك وان شاء الله تتفهم

سلامتك يالغالية واذا تبين نصيحتي اهتمي بصحتك وصحة جنينك ما في احد بينفعك نصيحة خلي الوظيفة تولي بقريح >>>حلوه قريح هذي خخخخخخ بس والله انا موظفة من زمان ما اخذت من الوظيفة الا وجع الراس والراتب طاير طاير لا بو الفين ولا ابوعشرة كبري وسادتك اذا تطيعين شويري وخليهم يبلطون البحر وسلامتك

كنافة الله يتمم حملك على خير واساليني انا والله النفسية لها دور كان معي شوية نزيف وكنت موسوسة ونفسيتي مش ولابد ويوم الناس زارتني في بيتي والله انها خفيت كثير ولله الحمد لاني مرة كنت تعبانة والناس كانت تجي من العصر ماتطلع الا العشاء وعلى طول انام فما وقت افكر وصحتي الحمد لله صارت احسن
واذا على الشارع قد طلعتي ليييييييين مليتي ولاحقة خير ان شاء الله
انا والله اني اخر مرة طلعت يمكن نص شوال واليوم طلعت الحمد لله هذي صحتنا اذا احنا ماهتمينا مين يهتم بالله واذا على وزن الجنين انا بعد كان ناقص فعطتني الدكتورة ابر شوفي وش تعطيك ويارب انك تكملين حملك وتشوفين ضناك بين يديك يارب بصحة وعافية
حلم الفراشات انا ماعندي خلفية عن الموضوع
اتمنى تبحثي بالموضوع ولو زوجك يراجع فرع الوزراة افضل معه التقارير كاملة وصدقيني الرجال متعاطفين اكثر من الحريم
استخيري قبل كل شيء واسالي المعلمات هنا اتذكر ام ارجوان وشويهي ويمكن لنوو ووحده ثانية بس ناسية
لاتستعجلين حتى تاخذي الاراء والله يكتب اللي فيه الخير اهم شيء انتي كيفك وكيف حملك معك

هلا نوني ربي يسلمك ويسلم قلبك من كل شر
انا بخير انا قلت باحاول فيها السبت ترضى او ماترضى بس وضعي كمتعاقدة يرمون كل الشغل علي ويدلعوا غيري وهذا حالهم من 5 سنوات عشان كذا زوجي مرشح الاستقالة
هلا كنافة عادي شهتيني في هالفجر على الكنافة ... وربي يسلم لك غاليك ومغليك
انا عارفة كل هالكلام لا وبعدي راتبي 3 الاف ماتغير بس الحمد لله انا مافكر بالفلوس ودي اكمل على منهجي والحمد لله مرتاحه ليه يصعبونها علي شكلها لو كثروا معاااي قلت خذوا وظيفتكم وانا احس هذا اللي يبونوه

,,,,,,

هلا احلاااا وحده

ياقلبي انا متعاقدة على بند محو امية عقدي مستمر ولله الحمد من 5 سنين يعني موعقد ساعات وينتهي والموضوع براس المديرة والموجهه وزميلتي رسمية وحصصها 12 ورافضة ورموه علي انا قاهرني الظلم طول عمري ماقصرت لاني امووووت بعملي وعمري ماركزت على الراتب بش شكلهم بيخربوها معي هالسنة وربي ييسر