الله يشفيك الم المرارة جلست اعاني منه 5 سنوات الين عملت العملية في مستشفى حكومي كان دايم يجيني في الليل اجلس اتنكس في الفراش الين الصبح من الالم والاحساس الشديد بالبرد والحمد لله من يوم عملت العملية انتهت المعاناة لاتخافين منها سهلة وحتى الالم الي بعد العملية اسبوعين يمكن بس ترتاحين باقي عمرك
انا ابسال هل المراره المها قبل العمليه مثل المها بعد العمليه؟
بنسبة لي رغم انها بالمنظار كان بعد العملية الم شديد في نفس العملية يعني مااقدر اضحك او اتكلم بصوت عالي احس بخفقان شديد
في صدري امشي بصعوبة وحتى لمااجي اقوم من الفراش احتاج مساعدة ولما تبين تنقلبين على جهة ثانية او تجلسين معاناة
وتحسي بغيثان بعد استئصالها ؟
مااتذكربس بعد العملية اكيد بسبب البنج
وهل العمليه مولمه ؟
بنسبة لي كانت كثير مؤلمة لما احاول اتحرك بس بدون حركة كثيرة
عادي وكله يهون عند الم التهابهاالمستمر والمتواصل قبل العملية
وهل فيها قصدره للبول اعزكم الله؟
لا انا ماحطو لي حتى الي تجمع السوائل واهلي استغربو لانه تجمع سوائل في بطني حول السرة وصار مورم وازرق رجعت المستشفى
وعملي الدكتور فتحة في السرة طلعت السوائل بكثرة كل شوي اغير القطن والشاش حتى ملابسي تغرقت بس بعدين راح الورم وطلعت كل السوائل والدكتور قالي الفتحة راح تلتأم من نفسهابعدين
وهل يخدرونك بشي بسيط قبل العمليه لاني سمعت انهم يعطونك شوي جرعه عشان ماتقومين بغرفه العمليات اذا حطو البنج؟
كان تخدير كامل
والاهم هل تاكلين عاااااااااااااادي بعد العمليه دسم ولالا؟
الحمد لله كنت اكل عادي بس مااكثر لان الدكتور ماعطاني اي نصائح بخصوص الاكل بس بعدين خلاص تأكلين زي ماتبين
انتهت المعاناة عند اكل الدسم
وكم تكلفة العمليه بمستشفى خاص تتوقعون؟
مااعرف وان شاء الله اكون افدتك لو سويتي العملية وحسيتي مثلي اعرفي انه شي طبيعي وراح تتحسنين بمرور الايام
استفسار عن عمليه المراره وخااص لبنات المدينه فزعتكم تكفوووووووون
متابعة النقاش، صفحة 3