مهم للبنات اللي من الكويت او راحو للكويت أدخلو وتعرفون؟؟

@dloaah_bs_maathorh


السلام عليكم ورحمة الله وبركاته

بسم الله الرحمن الرحيم








هلا وغلا ببنوتات عالم حواء كيفكم ان شاء الله بخير :)

المهم انا عضوه جديده معكم من المملكة العربية السعوديه وحبيت اخذ رأيكم

بشغله واتمنى انكم ماتردوني انا الله يسلمكم دايما اسافر للخليج بس باقي الكويت

مارحت لمها وسنحت لي الفرصه بعد العيد بيوم ان شاءالله بروح :27:

بس حبيت اسئل عن الأجواء حلوه ولا موحلوه؟

وابغى اماكن عامه تكون حلوه وابغى اسواق رخيصه علشان انتم تعرفون
الميزنيه هههههههههااااااااااااااي

المهم ابغى الرد الله لايهينكم باسرع وقت والله يعطيكم الف عافيه ياحلوات

شاكره لكم تعاونكم

مع اجمل تحياتي ... دلوعه بس معذوره.. :heart: :heart:

11 تعليق 1,166 مشاهدة

0 0

شاركي في النقاش

سجلي الدخول لإضافة تعليق.

التعليقات

11

  1. @fdytk

    هلا والله فييج بالكويت .. :26:

    اكيد مثل باقي الخليج الاجواء بارده بالكويت
    عاد برد الكويت برد مو مثل دبي و البحرين ..

    خذي عندج

    الاماكن عامه :

    حديقة الشعب الترفيهية - المدينة الترفيهيه هذول لوناسة الصغار واللعب
    واكيد الواجهه البحرية على طول شارع الخليج العربي فيه قعدات حلوة .. اذا تحبون البحر والبرد والتمشي بالليووول

    التسوق :

    سوق الديرة او المباركية - سوق السالميه فيه مجمعات ومحلات اسعارها مناسبة جدا
    وسوق السالمية الجديد ( المعلم ) هذا مركز تسوق وفيه كافيهات ومحلات رخيصه تنفع للصوغه وبالطابق العلوي فيه مطاعم و مركز طفل المستقبل للتسلية و صاله بلياردو وفيه مركز تسوق " السيتي سنتر " -

    بحولي فيه مجمعات وايده وكلها زوينه و موغاليه مجمع النقرة الشمالي و مجمع النقرة الجنوبي - مجمع بيروت - المهلب - سناء - سنتر بوينت - مجمع ايوب قباله مجمع السندس


    وبالمرة احذي جوله وروحي لسوق شرق اسعاره مو وايد غاليه


    وسامحيني عاد هذا الي يحضرني الحين

    وياهلا فيج مقدما بالكويت :26:

  2. @fdytk

    تذكرت

    في سوق اسمه كويت ماجيك
    ومجمع الكوت هذول في منطقه ابوحليفه اساعارهم بعد زينه :26:

  3. @dloaah_bs_maathorh

    صاحبة الموضوع


    هلا وغلا خيتو فديتك الف شكر يالغاليه على ردك ومساعدتك لي

    بس أنا سامعه عندهم اتحفالات بس ما ادري حلوه او لا هذا شي

    والشي الثاني ايش اسماء الفنادق او الشقق اللي اسعارهم كويسه

    وشاكره لك تعاونك معي واتمنى من البقيه ايضا الرد وشكرا

تابعي تجارب أخرى من هذا القسم.