السلام عليكم ورحمة الله وبركاته
اخواتي في الله طالبتكم انكم تفيدوني بشي لانى في حيرة من امري
انا ما اعرف افتي بس عندي مشكلة مررره صعبه
انا اخصائية نفسية بس اللحين ما اشتغل بس لي علاقة ببنات عندهم مشاكل من يوم كنت موظفة
يعني مثلا عندي علاقة ببنت عرفتها من عشر سنوات قبض عليه في قضية اداب بس البنت والله العظيم تقطع القلب لانها ضحية ام فاجرة عاهره
البنت هذي وحيدة امها وعندها اخوان اثنين فقط
واهي البنت الوحيدة
المهم البنت هذي توفى ابوها واهي مرره صغيرة
وعاشت مع امها وكنت تشوف امها وهي تزني بالبيت وحتى اخوانها يدرون وهذا الام من عايلة متدينه وكل اهلهم متدينين بس الام هذي عاهره قدام الناس شخصية والحقيقة شخصية وتحلف البنت ان امها تزني وتقول تغتسل وتصلى صلاة الليل لا وتقول تزكي وتعتمر وحجاب شرعي كامل
بالاول شكيت ان البنت تكذب او تتوهم بس لما تكلمت مع الاخوان طلع زي هذا الكلام
المهم طلبت منهم انهم يدعون لها انها تتوب ويحاولون ينبهونها والبنت خليتها زي صديقتي وحاولت ابعدها عن الاشياء الى سوتها بس البنت والله كانت في داخلها نبته صالحة بس الام اثرت عليها
اللحين بعد عشر سنوات لقيت البنت مسكينة خلاص تزوجت وتطلقت ما تقدر تعيش مع زوجها امها حطمتها وتحلف ان امها ليما اليوم على ما هي عليه وفي تطور تقول والله العظيم تدخل النت وتعرض جسمها للرجال والبنت خلاص متحطمه منها والله هذي الام شيطان في صورة انسان وانا لي اسبوع ما انام من التفكير بالبنت وبعدين انا جيت بقول لها اهجروها بس ما ادري اخاف من رب العالمين وتدرون ان هذي الام عيالها كبار فوق الثلاثين كل املاكهم في يدها ما تعطيهم اي شي يعني افكر كل معصية بالدنيا سوتها
سرقة مال ايتام
زني
نفاق
ضيعة مستقبل اولادها
والله ادعي عليها من قلبي لان حال البنت يصعب على الكافر والام ماهي صغيرة 55 سنة يعني اشتبي اكثر حسبي الله ونعم الوكيل فيها
الله يخذها اخذ عزيز مقتدر
يعني في نظركم اخواتي زي هذي الام يحق فيها البر والله ما اعرف كيف انصح البنت ارجوكم افيدوني انا احس نفسي مو عارفه اساعدها
شاركي في النقاش
سجلي الدخول لإضافة تعليق.
التعليقات
33- لا حول ولا قوة الا بالله
- لاحول ولا قوة الا بالله
اختي الاحسان بالوالدين ولو كانوا مشركين
ربنا يهديها
ويحفظ البنت من شرها
لو كان ممكن اتاثر على اخلاق بنتها فانصحي البنت تبتعد عنها وتسال عنها بفترات بعيدة
وان ليس لها تاثير عليها تفضل تدعيلها بالهداية
مستغربه الاخوة الشباب كيف ساكتين عن امهم وهم فوق الثلاثين ؟؟
اتروح اتعيش مع احد اخوتها افضللها وتبني حالها - سبحان الله اهي ربت عيالها على الخوف منها والله العظيم كلهم عقد الله ينتقم منها
- مدري وش أقولك بس البر لازم يبروا لو كانت كافره أو مشركه
بس أفضل شي خليهم يستشيروا شيخ أحسن - ياربي ذا الدنيا تخوف !!!
الله يهديها والا ياخذها
مواضيع مشابهة
تابعي تجارب أخرى من هذا القسم.