زوجي والشغالة أم الشغالة وزوج أم يا الشغالة يا زوجي

لو إنجبرنا حنبدع
وحقيقي في ظروف إستثتنائية ما ننكر هالكلام
وفي عوائل تحتاج شغالة لظروف خارجة عن إرادتهم
لكن أنا أتكلم عن الحلات العامة الشائعة وليس الخاصة
والله يشفي كل مريض ويعافينا ويقوينا على طاعته

بصراحة مافيكم حل .... مو كل واحدة عندها شغالة يعني مهملة بيتها واولادها ... ترى اكثر البيوت الخادمة للكنس والتنظيف حتى الطبخ ماتطبخ بس ربة البيت بوجودها تتفرغ اكثر للبيت وهذا شي اكيد ... يعني وحدة عندها اطفال قامت من النوم كل شي نظيف بس تروح تصلح غداهم على رجعة اولادها من المدرسة بتصير مرة مروقة لهم ماتقارن نهائيا باللي قايمة من الصبح تشتغل ...
بعدين الخدم موجودين من خلق ربي الارض حتى بعهد الرسول ولا تقولون انهم افضل ياما سعوديات اسوء من الف خادمة .. هي ترفيه للنفس واللي يقدر عليها يجيبها حتى لو مو محتاج لانها من ترفيه النفس مثل اللبس الغالي الاكل النظيف وغيره وغيره .... لذلك دائما بلاش تعميمم ماذبحنا الا التعميم

جزاك الله خير """"الشغاله في نظري سلاح ذو حدين أن عرفت تتعاملين معه مستحيل تتضررين منه وأن أسأتي أستخدامه أكيد يبي يلحق بك الضرر"""""""""وش المانع من أستقدام من يساعدك في شؤن البيت من نظافه وترتيب ؟!!!!!!!الخدم من أيام الصحابه اللي بيوتهم حجره أو حجرتين وبساط وصحيفه وأنيه ومع هذا ماورد حديث أو موقف من الرسول صلى الله عليه وسلم يحرم أو يستنكر أو يوكره!!!!البيوت ياحبيبتي مو زي زمان أدوار وحول 15 غرفه ودورات مياه وأطفاااال وملابس باالكوم ومواعين ودراسة الآولاد وضيوف وزوج يبي الدلع والنعومه والفرفشه وييييييييييييييييييييييييييييييييييييييييييين تجيبين له هاالروقان وأنتي من أذان الفجر من غرفه لغرفه وأن ريحت دخلت المطبخ وتجي أخر اليوم منهده وماتصدقي تحطي رأسك على أقرب مخده أنا معك اللي بيتها صغير ولا عندها غير طفل طفلين الآفضل ماتجيب لكن اللي بيتها كبير وأطفال أو مريضه أو عندها شخص مسن أو معاق لها الحق تستقدم من يساعدها """"أما كلامك عن الزوج لما يخرج من الحمام وتقابله الشغاله بلبسه !!!!!!والله الزوج المحترم والتقي مستحيل يطلع وهو بلبس الحمام قدام الشغاله ومستحيل ينظر لها بشهوه أو لما يخلا له الجو يقرب منها لآن خوفه من ربه يردعه عن هاالرذائل وللعلم الزوج صاحب النفس الدنيئه لو تحطينه في قبو تحت الآرض وتقفلي عليه يبي يلعب بذيله لآن مافي خوف من الله يعصمه عن ذلك """""""أما الخوف من بلاوي الشغالات وسحرهم أدعي ربي يحفظك أنتي وأهل بيتك من شرها وعامليها باالحسنى ولا تقسي عليها وأرحمي ضعفها وفقرها تسلمين من شرها """"""ودايما أسئل نفسي وأستغرب ليش باقي الدول الخليجيه والعربيه مايتكلموا لا في فساد الشغالات ولا سحرهم!!!!!!!؟؟؟؟؟؟؟؟؟معقوله بس حنا اللي نتشكى من شرهم ونتأذى منهم ليش؟؟؟!!!!عشان المعامله لما تنظرب الشغاله عشان كاسة ماء طاحت منها وأنكسرت باالغلط لما تتعاقب وتكوا يدها لآنها أحرقت اللبس لما كانت تكوي لما تنعت الشغاله بحماره يابقره كلي"""""""وكأنها مو أدميه حدها الفقر أنها تشتغل عندك لما تثار وتلبس المدام قمصان النوم الفاضحه قدامها وكأنها بدون أحساس ياعاااااااااااااااااااالم أتقوا الله في الشغالات وترتاحوا وللمعلوميه أنا ربة بيت بدون شغااااااله حاليا لكن كنت أستقدم ومن اندونيسيا كمان والحمد الله ماشفت بلاوي ولا شئ لآني بختصار أحترم أدميتهم ولله الحمد والمنه

يا أختي العزيزة
( بلاشي تعميم ما ذبحنا إلا التعميم ) يا أختي هناك العديد من الحقائق العامة ومنها إن الشغالة بلاء ومشكلة
ومن الحقائق العامة : كل وحدة عندها شغالة تقول: جالسة على قلبي
ومن الحقائق العامة: كل وحدة تدعي وتقول يارب إكفيني شر هالشغالة
وفكرة موضوعي عاااامة وحقيقية وما يختلف على صدق موضوعي إثنين
ويا عسل أنا ما إتهمت أي أخت عندها شغالة إنها مهملة في بيتها أبدا أبدا ولا نوهت إن وحدة منكم مقصرة في شغلها
أنا تكلمت عن ذات الشغالة وليس ذات ربت البيت وإنها بلاء ومصيبة وتجلس صاحبة البيت على أعصابها معاها تخاف تقول لها هش علشان لا تكيد لها ولعيالها كأنها جايبة في بيتها ذيب ممكن يهجم في أي لحظة ( هذي برضو فكرة عاااامة)
وأنا قاعدتي الشخصية ( ما حك جلدك مثل ظفرك ) ومستحيل تجي وحدة أجنبية عن بيتك حتى لو سعودية وتنظف لك بيتك وترعى أطفالك بذمة وضمير ( جلد غير جلدك على الشوك جره )
والخدم من عهد الرسول صح. ولو فيهم خير كان أعطى النبي صلى الله عليه وسلم خادم لإبنتة فاطمة رضي الله عنها.
وهل إنتم متاكدين إن ما في خدم من عهد النبي أوحتى قبل ما خان ولا سرق ولا ألحق ضرر بأهل البيت إلي يشتغل عندهم. دورو في النت عن نوادر الخدم وحكاياتهم وإقرأو
ورفهي نفسك ياقلبي لكن شيء أجيبه بفلوسي يضرني حاجة ما أسويها ( هذا رأي الخااااص )
أتمنى لك السعادة والراحة
واتمنى إن الهدف من موضوعي يكون واضح وسلامتك

انا معاك بكل كلمه وجزاك الله خير وماقصرتي والله يرزقك ذريه صالحه معافاه قريب
الحمد لله ماعمر دخل بيتنا شغاله
كل وحده فينا عارفه شغلها وامي مقسمه الشغل بينا اللي تطبخ واللي تمسح تكنس واللي تغسل الملابس وهكذا
اما شهريا تنظيف شامل دولاب المطبخ والمخزن واجنحة الاستقبال الرسميه والحمد لله لاتعب ولاشي اصلا النفس تتعود ع ان تقوم بشغلها وماتتكل ع احد واذا ع اليد تكون خشنه ومن هالكلام نقصة ع الجونتي والكريمات واصلا لو تجيبي مليون شغاله ماراح تكون نظافة بيتك مثل اذا انتي كنتي منظفته لان انتي صاحبته وبتنظفيه من قلب وباهتمام
مو مثل الشغاله اهي ماجت تنظف لك وتكنس لسواد عيونك لا علشان الراتب اخر الشهر وبتنظف ايي كلام خصوصا اذا كانت صاحبة البيت مشغوله

وربي اعرف وحده كانت معنا تدرس وزوجها عاطل بس هم اغنياء وحاطه شغاله بالبيت والصبح هي بدوامها وزوجها تقول نايم والشغاله تقوم بدورها والله يستر وش يسوون بغيابها وربي يابردها
صرنا جيل اتكالي ونسينا بركة عمل اليد واصلا تحسين بطعم الراحه بعد تعب التنظيف والتنظيم
لاتجي وحده تقول ادرس او وراي جامعه تقدري تخصصي يوم كامل للتنظيف مثل الجمعه والكوي الكواي
والاكل مثل ماقلت اختنا الف اكله تتفرزن والله يخلي صحون البلاستيك والملاعق والغداء جهزيه نص استواء من الليل
والله يرزقنا العافيه والصحه