•·.·°¯`·.·• يوميات مسابقة معاً للتحـدي ( الفريق الأحمـــر100 فما فوق ) •·.·°¯`·.·•

متابعة النقاش، صفحة 496

شاركي في النقاش

سجلي الدخول لإضافة تعليق.

التعليقات

3,003

  1. @hla_alord_11

    صبااااااااح الخير ع الحلووين ...

    كيفكم حبووبات ان شاء الله بخير ..

    يومي
    ما افطرت
    الغدا كان حبة توست مع بيض مقلي ..
    والعشاء صدوور دجاج مقلقه حشيتها بساندوتش وعصير اناناس ..

    أكلت شوكلت بس حبه صعنوووووووونه ...

    مدرى وش فيني ع الشوكلت بس اليوم اخر مررره اخذ منه...
    ووو مشيت ع السير 10 دقايق واوربت عشر دقايق ..

    يلاااا غوالي تصبحووون ع خير ...

  2. @alys

    صباح الخيرات عالعسولات

    حبيت اصبح عليكم قبل ماأطلع للدوام

    وان شاء الله الهمم عاليه والاراده قويه ولازالت الحرب قائمه مع هالشحوم

    وياإحنا ياهي

    اشوفكم على خير

    :)

  3. @am_toyny

    صباحكم عسل يااحلى عسولات ..
    زهور البيلسان ..حبيبتي انا سمعت ان عصير المانجو عدو الريجيم لان فيه سعرات عالية وكمان السكر فيه يتخزن في الارداف ..شفتك تشربي عصير مانجو في ريجيمك قلت انبهك الله يوفقك
    ماشكيته .. نظامك حلو ..الله يسعدك..
    اليس.. النشويات قللي منها يالغلا لاني حسيت اكثر شي تاكلي (نصف خبزة_4 مصابيب_معمول) حسيته كثير ..انتي عروسة شدي حيلك وبلاش من المعمول اكتفي بالتمر ..الله يسعدك
    الليدي.. ياحبي لك .. حلوه فكرة الايحاء.. حاجربها ان شاء الله ..الله ينحفك ويحفظك يالغلا
    هنوتي ..عظم الله اجركم وغفر لميتكم ..الله يحفظك
    وهج.. اكلك مرة قليل اخاف تتعبي الله يحميك وينحفك
    قمورة ..رحلة سعيدة وانتبهي للدايت الله يسعدك بوسيلي البنوتة الله يحميها
    احلى الحور .. سوي بحث عن التمارين اللي تبغي في اليوتيوب واختاري اللي تناسبك الله يسعدك وينحفك
    بنتوته فرفوشية.. ريجيم السؤال صعب خاصة مع الشتاء الله يعينك لا تطولي عليه عشان المعدة ماتتعود على الكسل لان هضم السوائل مو زي الاكل العادي الله بوفقك وينحفك
    عروستنا سوزي ..يااااااااااااارب تنحفي بصحة الله يعينك على ريجيم السوائل وحاولي حبيبتي تنظمي وقت النوم والوجبات حيساعدك في الريجيم يالغلا
    حلا الورد ..لازم تفطري يالغلا لان اهم وجبة اهي الفطور موفقة حبيبتي
    لي 3مشاركات بس عشان كذا ماارد كثير
    يومي امس الاثنين
    بعد ماصحيت شربت كوبين موية وصليت الفجر ومشيت 50 دقيقة وكملت عشر دقايق تويست
    ااساعة 7 افطرت.. شريحة توست ممسوحة بملعقة فول وكوب حليب منزوع الدسم واكلت حبة خوخ
    خلصت شغل البيت ولعبت مع بنتي كورة ونطنطة وجري ..وشربت كوب زنجبيل بالليمون والنعناع وكوبين موية
    قبل الغدا بساعة كوبين موية ...وتغديت 2حبة محشي كوسة وصحن سلطة وكوب عصير اناناس وكيوي
    العصر سويت تمارين شد الارداف وطلوع الدرج ربع ساعة
    الساعة 7 تعشيت شوربة باللحم زبدية صغيرة وعصير اناناس وكيوي
    خلصت الكوي وباقي شغل البيت اللي عندي ونمت

  4. @zhor_albylsan_1

    أحلى الحور ,, ههههههههه قولي آميييييين يااارب تاااخذينه هذا الاسبوع وانت باتم صحه وعاافيه
    وهج الضوء ,, سوزان ,, حلا الورد ,, استمروا الله يحقق لكم امانيكم
    ماشكيته لوشكاني ,, الحمدلله بخير عساااك بخير ,, انا ادخل الصباح وما شاء الله مافي مشاااكل
    اليس ,, ما شاء الله الله يباارك لك ,, ذكرتيني عندي بلوزه صغيره بجربهاا بعد هذي العشره وان شاء الله تلبسي بلايز اختك عن قريب وانت بصحه,, لازم نتحدى بعض عشاان يتجدد النشااط وان شاء الله نحضر فرحك ويكون فيه طااوله محجوزه مكتوب عليهاا قروب الرشيقااات ,, اي والله أم نايف ومشعل صارلنا فترة ماشفنااهاا عسى المانع خير ان شاء الله
    هنوتي ,, وعليكم السلام والرحمه ,, عظم الله اجركم ورحم ميتكم واسكنه الفردوس انا لله وإنا إليه راجعون
    ان شاء الله مستمرين على الرياضه
    الليدي سعدى ,, حلووه فكرة الايحاااء
    قمر الخليج ,, احلى طله ’ توصلوا بالسلامه ان شاء الله
    بنوته فرفوشيه ,, يمكن الصدااع بسبب الرجيم ريحي يوم وبعدين ارجعي

    يأحنا يالشحوم

    يومي الاثنين
    الفطور:: سندوش طعميه + عصير مانجو
    الرياضة:: الصباح ٣٠دقيقة مشي العصر ١٤ دقيقة مشي
    الغداء::شوي رز + خبز + طحينه سايله + سلطة + دجاج
    بعد المغرب حبة فرولة
    العشاء:: ملوخيه + خبز + لبن

  5. @zhor_albylsan_1

    ام تويني ,, الله يجزااك خير على التنبيه بغيره ان شاء الله من الاربعاء << يكون خلص الموجود :)
    الله يصبرناا على الثلاث مشااركاات مدري متى بتزيد؟؟