تجمع لأمهات (اطفال أمراض القلب)...

لاحول ولاقوة الا بالله العلي العظيم
يعطيكم العافيه

سبحانك ربي فعلا حديث عظيم
الله يصبر قلوبنا وقلوب كلللل المسلمين
ام عبد العزيز كل ماادخل هالتجمع ادعي لك الله يرزقك ويجزاك كلللل خير
بنات بغيت اسالكم الادوية الي كتبها الدكتور بعد عملية ولدي الثانية هيا دوا الضغط 3مرات باليوم ومدر البول اكرمكم الله مرتين باليوم والاسبرن مرة وجدة
هذي كلها ماتاثر على الكلى؟؟؟؟؟؟؟؟؟
والله خايفة مرة عليه خاصة انه قالي لازم يستمر عليها الين موعد العملية الثالثة بعد سنتين الله يغنيه عنها بعافيته يارب
وفي شي ثاني ولدي الحين عمره 9 شهور ماسنن ولا حبي ولمن احطه على بطنه يبكي ومايقدر يتحمل هل الشي هذا عادي؟؟

راني وبحر الخير اسعدكما الله وفرج همكما وشفى اطفالكما

رانزي اهلا بك ياغاليه

ولدي من سوى عمليته وهو ياخذ اسبرين ومدر بول وبيكمل سنة إلى ان يوسعون الشريان الرئوي

راح يوقفون الأسبرين لكن مدر البول على مااعتقد انه يستمر معه

اما الضغط اتوقع يوقف يمكن موعدكم الجاي..متى هو.؟

التسنين تأخر ولدي فيه ماادري بالضبط متى سنن ..لكن كله طبيعي لاتقلقين..

عطيه فيتامينات واسألي الدكتور عنها تقويه شوي..

والله يشفيه ومرضى المسلمين يارب

السلام عليكم اخواتي كيف حالكم و****لله مأجورين على مداراة اطفالكم والتعب عليهم
وتذكروا(ان الله اذا احب عبد ابتلاه)فهالامراض ماهيا الا امتحان واختبار من رب العالمين انصبر ام نجزع
والله يلهمنا الصبر جميعا


1- نوع مرض القلب : تشوة ( مع تحديد الجزء ) .. أم ثقب .. إلخ ؟
ثقب بين البطينين وضيق في الشريان الرئوي
2- عمر الطفل ؟
ثلاث شهور و7ايام
3- الوزن و الطول ؟
الطول ماعرف بس الوزن4كيلو
4- الأعراض؟
من يوم الي ولدتها ازرقت وصار تنفسها سريع واحتاجت للاكسجين ولما عملو لها تصوير اتضح المرض
5- كيفيه التعامل معه ؟
حاطتها بعيوني واكثررر ولااتركها تبكي اكثير لانها بسرعه تصير زرقه
6- كيفية تغذيته ؟
الحليب فقط وعطوها مدعم بالطاقه
7- التطعيمات المتعلقة بهم غير التطعيمات المقرره للأطفال العاديين ؟
لا مثل باقي الاطفال
8- ما يجب تجنبه في حالاتهم ؟
كثرة البكاء وحماي دكتور قالي ابعديها عن الروائح القويه والعطور
9- كيفية التغذية مع تحديد نوع الغذاء والحليب؟
كل ثلاث ساعات رضعه 60ملي
10 - العمليات التي تم اجراؤها ؟
وصله (انبوبه)للشريان الرئوي وكان عمرها 16يوم وعلى ماظن كانت قلب مفتوح لانها تركو صدرها ثلاث ايام مفتوح وبعدها خيطو الجرح وعمليه اخرى الى ان يصير وزنها 8كيلو لتركيب دعامه اخرى تناسب وزنها
11- القسطرة وما تلاحظينه على طفل بعدها ؟
مقرر يعملون لها قسطره بتاريخ24محرم والله يساعدها ويشافيها يارب
12- مظاهر التطور في النمو الجسماني من جلوس او حبو .. إلخ؟
تبتسم فقط
وما لديكن.. ؟
حبيباتي الي عندها احد مثل حالة بنتي تكفون طمنوني ابقى اعرف كم عمليه يسون لها للتوسيع والثقب هل ممكن انو يتسكر وحده لانهم قالو اذا ماتسكر بيسكرون في العمليه الثانيه مع التوسيع وبقيت اضيف بعد اخر مراجعه لها بتاريخ16 ذو الحجه قال الدكتور ظهر عندها شي جديد وهو تضيق في الشريان الرئوي الايسر ولكن بسيط ولهذا بيعملون لها قسطره عشان يشوفون ويقررون اذا يتوسع او يسوون له عمليه ثانيه
وبقيت اسألكم حبيباتي عادي اعطيها منقوع التمر لان ارضعها صناعي واحسه نحيفه مرره

سلام عليكم كيفكم خواتي وكيف حبايبكم *****لله بخير بحر الخير طمنيني عن ولدك ووش قرروا له رانزي المدهشه لاتخافين بنتي بنفس عمر ولدك وللحين ماطلعت لها سنون وماتحبي بس تجلس قبل كانت تبكي وتضايق اذا حطيتها على بطنها بس الحين عادي وصارت ترفع نفسها تحاول تحبي عطيه الفيتامين الي لونه اصفر قطره ريحتها قويه شوي بيقويه بنتي من بعد ماصرت اعطيها احسها احسن صارت تجلس لحالها وتحاول تحبي اختي المراه التائهه *****الله الثقب يتسكر لحاله ولد خالتي تسكر الثقب لحاله من غير عمليه الحمدلله و*****الله بنتك ماتحتاج لعمليه جربي الحلبه يقولون تسكر الثقب بعدالله واذا رحتي للموعد اساءلي الدكتوراذا عادي تعطينها الحلبه اوتضرها ومنقوع التمر اشرب بنتي منه بس مو على طول مااضن بيضرها واساءلي دكتورها اذا عادي أسأل الله العضيم رب العرش العضيم ان يشفي مرضانا ومرضاكم ومرضى جميع المسلمين.