زواج سر او مسيار اين كان اسمه حلوها لي
السلام عليكم ورحمة الله وبركاته
كيفكم
اول شي انا ضد الشكاية عبر المواقع وهذي مش شكوى هو مجرد اخذ رأي والنقاش حول المشكلة وطرق حلها واتمنى النقاش يكون راقي ونبتعد بقدر الامكان عن الدخول في النوايا او الاسأله الشخصية ماحب هذا النوع من الردود
المسألة بإختصار شديد
انا متزوجة من رجل بدون علم زوجته واهله
الي حصل ان زوجي جا وخطبني من والدي وابوي وافق عليه بدون الرجوع لي اصلا حتى في الرؤية الشرعية صرت اضحك مثل الخبلة لاني تفاجئت بشخص ثاني غير الي ابوي وصفه لي وبعد كذا قالي خلاص شافك وسوالي مشاكل كثيرة المهم ضغط علي وحصل الزواج
بعد الملكة جلسنا 6 اشهر مملكين قبل الدخلة اكتشفت انه كان متزوج بعد زوجته يعني الرجال تزوج مرتين وانا رقم 3 !!! ولما قلت له كيف كذا محد قالي !! قالي انا خبرت ابوك ! خفت اتكلم من ابوي وعديتها وفي سكين يطعن قلبي
نجي للزواج
كارثة الزواج كان بدون زفة وبدون فستان ابيض ووحيده لا ام ولا اخت ولا صديقة وكنت في قمة الحزن على حالي وعديتها حتى مابين لزوجي ليلة الزواج اني متضايقة
الكارثة الثانية اني تزوجت الاربعاء يابنات جلس عندي الاربعاء والخميس عندي والجمعة راح بيته ولما سألته قال ابوك عنده خبر!! طيب لنا 6 اشهر مملكين لية ماتكلمت وخبرتني بهذا الامر وبعدها سحب علي ليومكم هذا مانام عندي الا كم ليلة يعني يمكن طول السنه يجي لما زوجته تكون في بيت اهلها او شي !! ولا شهر عسل ولا بصل ولا سفر
لا تتخيلو دخلت حصلت بوكية ورود ولا شي ولا شموع ولا زبرقة مافي هالاشياء حتى هذي ماشفتها ولله الحمد
المهم الي صار اني جلست 4 سنوات متحمله هالوضع على امل ان ربي يرزقني طفل يملى علي حياتي وربي رزقني من شهر جبت بنت حبيتها بجنون حتى الحمل واجهت فيه مشاكل ورفض يدفع فلوس التلقيح لانه ماعنده وبنفس الوقت رافض الحكومي لكن دعيت ربي الكريم ماردني
ولكن حسيت اني مابي استمر ابدا في هذا الوضع ولا مع هذا الانسان ابي اخذ بنتي واسافر لبلدي وانهي الموضوع وانهي الذكريات الحلوه والمره واعيش حره اقرر حياتي بنفسي بنفسي بنفسيييييي لي ولبنتي لاني الحين ماني صغيره بنت 17 ابوي يتحكم فيني
الان عمري 22 اقدر اخذ قراراتي بنفسي اقدر اقول ايه او لا
نفسي البس فستان زفاف ونفسي اصير عروس يزفوني اهلي ونفسي افرح برجال جنبي احس بالامان معة يفهمني ويكون قريب من عمري اتكلم معة ويتكلم معي بعد الوحده والغربة و الشعور بالنقص
نفسي اصير انسانه لها حقوق مو اقل من احد
زوجي انسان طيب جدا وخلوق ولو جلست امدح فيه من اليوم لبكره ماوفيته حقه ولا ربع حقه ولكن الطيبة والاخلاق وحدها ما تكفي , لي مطالب وحقوق وهو صعب يلبيها ويمكن مستحيل وانا من حبي فيه مابي اضايقة بس ابي انسحب بكل هدوء وبدون مشاكل وبدون ماسبب له نكد او ازعاج انا اعيش مثل ماحب وهو ربي يوفقه مع انسانه تسعده غيري
هو الان رافض سفري بحجة ان البنت صغيره وماتقوى على السفر ولكن المواقع الطبية تأكد ان الطفل في عمر شهر ممكن يركب الطائرة المهم اني مو عارفة اقنعه اسافر انا قلت له بسافر شهر وارجع عشان يوافق واذا رحت بطول المدة الى ان يتعود وبعدها افاتحة في موضوع الانفصال يعني احطه قدام الامر الواقع لكن كيف اقنعة اسافر لاني احس لو سافرت بيتقبل فكره الانفصال اكثر من وجودي هنا وانا نفسي اقدر اقاومه لان وهو قدامي مارح اقدر اقاومه و بضعف وبرضخ وبرجع اتعب وبدور في هالدوره من جديد
لان مالي احد اخذ رايه في موضوع زي كذا حبيت اعرضه عليكم حتى استفيد من خبرتكم وتجاربكم في الحياة يمكن يكون في حل استطيع الاستمرار مع زوجي ولكن انا ماشوفة
بس محد يقولي انسي الماضي مقدر انساه انا كل ماشوف فستان زفاف عيوني تدمع وشريط الذكريات يرجع كانه فيلم وكل مااشوف صالة افراح اتنكد وكل محد يتكلم قدامي عن زواج احس اني انحرمت من هالشعور واحس بالدونية
حلوها لي او ساعدوني في حلها
