ياناس نفسي اتخلص من الشغاله.....................؟؟ كيف واللى تبغي تنضم معنا

سلام ياحلوين مشرفي واعضاء احلى عالم
كيف الحال ؟ان شاء الله طيبين :27:

في كل بيت نشوفهم صاروا اهم شي حتى لو كانت المدام عروسه وصاروا الناس يكسب رضا امهاتهم بها <الشغاله > :30: : الشخص الغريب اللى يدخل بيتنا مانعرف عنها شي نفسيتها ماضيها الا اللهم البلد اللى جات منها عن طريق المكتب تدخل ونسلمها كل شى اللى خلني اكتب الموضوع قصتي انا اللى اربع سنين متزوجه :39: وعندي عبودي الحلو الله يحفظ لى واحضرت خادمه عن طريق المكتب كرت الخدم بعدها ايش علىنفسيه زفت الله يكرمكم غير الكذب واسرار البيت تاليف اشياء من مخيالتها :( مع انى تعودت عند اهلى على الخدم خايفه استغنى عنها ياليت اللى عنده تجارب تقول عنها وعندها طرق لتخلص من هذا الداء ماتبخل :icon33:

4 تعليق 4,945 مشاهدة

شاركي في النقاش

سجلي الدخول لإضافة تعليق.

التعليقات

4
  1. @am_mytha_1

    أنا من اللي عشت على إيد هالخدم اللي تتكلمين عنهم وحتى يوم تزوجت من أول شهر وهي في بيتي
    هي في البيت وأنا وريلي طول الوقت برررع
    وبعد الحمل والولادة استويت أنا وهي في البيت وريلي طول الوقت دوارة برررررررررع
    واستمر الحال واستووا عيالي اثنين والخدامة خدامتين
    لكن الهم همين
    مب مرتاحة موووووووووول في حياتي
    في بيتي
    من زوجي
    من عيالي
    عايشة حالة استنفار والخدم ما يسوون شي مثل اللي في بالي وأنا أبا كل شي علأصول وما ترضيني أنصاف الحلول فأضطر أعيد شغلهم بنفسي وتعبت منهم

    استغنيت عن وحدة (هلكت أول شي لكن بعدين استغنيت عن الثانيه) وألحين أنا قايمه بالبيت كله
    بيت كبير دورين والمطبخ في الملاحق وعندنا حديقة مزروعه بالها ري يوم ورا يوم
    وعندي طفلين صغار والثالث ياي في الطريج :(
    لكن وضعي مرتاحة منه لو أكرف ليل ونها ما دخلت بيتي خدامة إلا لو كان عندي شيء طارئ مثلاً ولادة ولا عزيمة لازم حد يساعد لو مايبت خدمة الفنادق




    أهم شي تكونين مقتنعه من فكرة استغنائج وقادرة
    يعني لو بسم الله عليج مريضة ما ترومين على شغل البيت لا تتسرعين
    لو ريلج رافض الفكرة لا تتسرعين


    لو مقتنعه ومعزمة فشوفي اللي يريحج من أجهزة يعني غسالة مجففة أوتوماتيكيه تفكج من عناء الغسيل والنشر والكي أحياناً لأن الثياب تطلع منها ناشفة وحارة مجرد تطبقينها أو تعلقينها وتكون كأنها مكوية
    ثياب زوجج أكووها برع
    وطبعاً في الحمام حطي سلتين وحدة للأبيض والثانية للملون وأغسلي أول بأول لو امتلت السلة .....

    الوجبات :
    الفطور ييبي سلة ورتبي فيها الأجبان والمربى وحطيهم في الثلاجة
    الحليب والعصاير خذيهم عبوات صغيرة تشربين منها بدون الحاجة لأكواب
    لو لابد من القناني الكبيرة استخدمي الأكواب البلاستيك
    وعلى الطاولة دايماً حطي الصحون والسكاكين ويفضل بلاستيك

    وجهزي البويلر دايماً وامليه بالماء على طول وخليه دايماً موصل بالكهربه كل ما بغيتي جاي أو كوفي سوي على طول

    للغداء:
    من أول ما تشترين اللحوم والأسماك والدجاج غسليهم ووزعيهم على حسب الوجبات في أكياس صغيرة وشفافة ورتبيهم في الفريزر كل نوع صوب
    ممكن تطلبين من الجزار يقوم بعملية التقطع والتنظيف وعطيه الأكياس انتي وهو بيحطلج فيهم وما عليج غير انج ترتبينهم في الفريزر
    اشتري وجبات مجمدة للأزمات برغر نقانق كفته كباب بطاطا
    أفضل لج تفرمين نص يونية البصل وتحطينها مثلاً في قوالب الثلج وتغطينهم وكل يوم تذوبين قالب بدال ما تفرمين كل يوم
    وكذلك الثوم والطماطم
    للسلطة جهزي الصوص مسبقاً في زجاجة صبي شوية خل شوية زيت زيتون وشوية عصير ثوم وفلفل وملح كل يوم صبي منها قبل ما يوصل زوجج أو خليها على طاولة الطعام
    وانتوا تاكلون صبي منها مثل المطاعم

    للعشاء: دايماً اختاري الوجبات الخفيفة السريعة

    يفضل تتغدون أو تتعشون برع في الويكإندز


    بالنسبة للتنظيف :
    حاولي تقفلين الأماكن اللي ما تستخدمونها مثل المجالس والحمامات والغرف الإضافيه وكلوا في المطبخ دايماً
    اشتري مكنسة كهربائيه خفيفة جداً (أخف وأصغر نوع) لتنظيف اليومي السريع وبتغنيج عن المكنسة اليدويه
    اشتري المساحة أم الفوط اللي تتركب فيها وعنقها دوار
    ألعاب طفلج ارفعيها خلي لعبتين أو 3 وكل يومين غيريهم لأن الطفل يمل من ألعابه بسرعه
    جهزيله تلفزيون وفيديو وأشرطة الرسوم المتحركة المفضلة لديه لو بغيتي تشغلينه في أي وقت شغليله الرسوم المتحركة

    وشوووووووووو بعد !
    لو تذكرت بردلج!
  2. @slm_6

    اكره الشغالة اكره الشغالة من كثر ما سمعت و قرأت عنهم من افعال ومصائب تشيب الرأس
    قبل ما تزوج بثلاث سنوات في بيت اهلي شغالة ومع ذلك ما تعودت عليها و ما تعودت على الكسل و الاتكالية
    يا ربي استغرب لما اشوف نساء بكامل صحتهم و عافيتهم و مع ذلك عندهم شغالة ياربي اشلون يدعيهم قلبهم يتركون فلذة كبدهم بيد هالمجرمات ,اشلون يأمنون على نفسهم , واولادهم ,ازواجهم و نفسهم .ياربي منهم اشكثرهم وين ما اروح القاهم عابثين في كل بلد عباث و فساد .
    شوفي اختي علشان تتخلصين منهم : 1- اعتمدي على الله و اتكلي عليه وكثري من التسبيح و الاستغفار.
    2- وفري جميع الاجهزة المنزلية المريحة ما دامك قادرة ماديا تجبين الشغالة فجيبي بدالها هالاجهزة .
    3- نظمي وقتك وحاولي تقللين من طلعتك اذا كانت كثيرة ( لا تزعلين من كلامي )
    4-عودي اولادك على الاعتماد على نفسهم منذو الصغر و مساعدتك .
    5- مو كل شي تسوينه بالبيت ,مثلا احيانا خلي بعض الوجبات من برا خصوصا اذا كنتي تعبانة
    ملابس زوجك ودوهم المغسلة .
    6- بالنسبة لمسألة الحمل و الولادة لا تخلينها ورى بعض يعني عطي نفسك وجسمك فرصة ترتاحين فيها وتقدرين تربين اطفالك بسهولة و ما تحتاجين للشغالة . :)
  3. @am_aabody_alhlo_1

    صاحبة الموضوع
    شكرا اميثا والاخت سلمى :27: انااول مره انزل موضوع فرحت لمل تفاعلت معي دعواتكم انى اتخلص ان شاء الله :30:
  4. @guesss

    مدري كيف الحرمة ترتاح نفسياً و هي عروس و في بيتها شغالة تراقبها بالطالعة و النازلة حتى مع زوجها و بلبسها ما ترتاح ..
    صدقوني اللي تقتنع بدونها تقدر ..
    بالنسبة لي مقررة اني استغني عنها مع اني متربية على الشغالات :)

تابعي تجارب أخرى من هذا القسم.