والله ما دري اذا اللي قلته لزوجي صح والا غلط؟؟؟

حبيبتي guesss
انا ساكنه مع اهله وهم اهلي اصلا يعني يقربون لي من قريب بعد ومش انا اللي اطالب بالقطيعة ولله الحمد مثل مايقولون انجمع ما نفرق ومو قصدي التجريح بس الاحظ ان من ردود الخوات الله يعطيهم العافية مطلعيني كأني انسانه انانية
الحمدلله احب اخته بس هي احيانا ترفع الظغط الواحد ما يعرف شلون يتعامل معاها الله يكون بالعون لكن هذا مش السبب اني مابيها تطلع معاي هالفترة والسبب شرحته في ردودي للخوات اللي قبل انه بيسافر معاهم فودي اقعد معاه اطول وقت ممكن واظن من حقي
ومشكوره حبيبتي guesss لا تحرمينا من ردودج

حبايبي كل الخوات انا ما ابي حد يفهمني غلط ابيكم تقرون اللي كاتبتة عدل ولا ينفهم بالعكس :icon33: :icon33: :icon33: :icon33: :icon33:

بصراحه اخته مالها مكان بينكم وخصوصا هو بيسافر ثانيا لازم تخلين حد بينج وبين اهل ريلج عشان ما تفتحين على نفسج ابواب المشكال بس فى نفس الوقت مافى مانع انكم اتطلعون طلعات جماعيه بس مو كل وقت وخاصه فى الطلعات الخاصه وهاى من حقج حبيبتى انج اتقولين اللى بخاطرج

هلا اختي ouch وهذا اللي آنا اقوله انه على حسب الظروف والاوقات الواحد يحدد متى يطلع مع اهله والا طلعات خاصة وانا مش ضد الطلعات الجماعية بالعكس وناسه حتى لو فيها ناس تظيق الخلق وبالنسبة للحدود مع اهل الزوج اختي ouchطحتي علعوق ترى هله هم هلي وقريب مني بعد وساكنه عندهم انا اول ما تزوجت مارسمت حدود على اساس انهم من لحمي ودمي وكنت متساهلة معاهم وااااايد وكنت ادارييييهم وايد وحلو على قلبي والله لاني ما انطر منهم شي بس هالطريقة خلتهم مايعملون لي حساب بالمرة تخيلو انا ما ودي اقول السوالف اللي صارت لان محد بيصدق الله كريم وان شاالله الله بيعوضني خير والله يسخر لي زوجي ويحنن قلبه علي وعلى هذا كله ما اكن لهم الا كل احترام وتقدير

وردة قطرية
حبيبتي انتي ممكن تفهمينه انج محتاجه له في ها الفترة اكثر من اي وقت خاصه انج حامل وترى الحمل له دور كبير في المزاج يعني الوحده منا تكون وايد وايد حساسه اقل شي وتصيح
وخاصه اللي ما عندها خبره يعني اول ياهل وودها زوجها طول الوقت في وجها ما تبيه يفارقها
عموما اللي سويتيه مب غلط
لكن الطريقه اللي وصلت فيها حق زوج كانت غلط
يعني كان ممكن توصلينها له بطريقه ثانية(( حبيبي انا مشتاقه لك وايد ودي استغل كل ثانيه معاك لانك بتسافر حق اختك في الطلعه ذي على عيني وراسي بعد ما ترجع من السفر )) وهذا اسلوب افضل من ((ما ابي احد يروح معانا))يعني تحسين بالجمله فيها جفاف
اما بالنسبة لاخت زوجك انتي ممكن تكسبينها ممكن هي تحس انج اخذتي اخوها يعني ملكتيه
خاصة اذا كان هو مقرب لها قبل زواجكم ان شاء الله اذا كانت مب مزوجه الله يكتب لها النصيب وتروح في سبيلها
عموما الله يوفقج اختي ترى الامور هذي يبيلها صبر وحكمة ولاتستعجلين في الحكم على اي شي وترى باللين كل شي يصير والهواش والزعل ترى ما ينفع
الحين روحي سويلج ليله رومانسيه نسيه كل اللي قلتيه والله يتمم لج على خير