استفتاء-هل انتي مع اوضداخفاء الحمل

انا مع اخفاء الحمل لكن مو مع الكدب..
يعني اقصد اروح واجي عادي ماقول تراني حامل..لكن لو احد سالني حامل؟؟طبعا سؤال لقافه لكن مارح اقول لا وعلي الدورة زي ماقلتي انتي فوق..

وانا مع الاخفاء اولا لانها حرية شخصية اقول او ما اقول << انا حرة..

ثاني شي::عشان اتجنب الملاقيف(ليش حملتي؟؟توه بزرك صغير؟؟انتي حملتي بالغلط ولا كان برغبتك<<سلامات؟؟ ,,حامل في بنت ولا ولد<<اااااااااه يرفع ضغطي هالسؤال بالدات..وادا قلتي مابان في السونار قالولك لا ياشيخه؟؟ماتبيني نحسدك يعني؟؟قولي ولد وخلاص!!!!


ثالث شي::عشان العين..والله الحين تلقين اللي يحسدونك هم اللي عندهم 5 او 7 مو اللي ماتنجب..وقسم بالله انا لما زوجي قال لاهله اني حامل وربي كانت الساعه 11 بالليل..11 الصبحا انا داخله العمليات اسوي عملية الزايده..فجاه جتني وبدون اي سابق اندار بس الحمدلله على كل حال..

انا اخفيه اول ثلاث شهووور لان نسبه التسقيط عندي عاليه
متى ماثبت وتتطمن عليه قلت
اللحين حامل في شهر ونص ومعررررررررررضه للتسقيط

يااااااااااااااااااااااااربي رحمتك وعفوك

أنا ضد اللي تخبي أو تكذب عشان تخفي حملها ..

ما أنشر الخبر طبعاً .. لكن بنفس الوقت إذا أحد سألني أقول حامل الحمد لله وبس ..

لأني أدري إن اللي كاتبه ربي بيصير وبنفس الوقت أدري إن العين حق والحسد كثير لكن عن نفسي محسنة ظني بالناس ومؤمنه بإنه اللي كاتبه ربي بيصير حتى لو بعد كم شهر فليش أخبي وأجيب لنفسي عداوات وحزازيات لأنه ماكل الناس يتقبلون أو ممكن يفهمونها بطريقة ثانية .. وممكن يحطوني ببالهم مستقبلاً ..

على هالطاري تذكرت صديقتي قبل لا أحمل سألتها عن إختها اللي تزوجت معي ما حملت قالت لي لا .. يوم كلمتني آخر مره وقلت لها إني حامل قالت حتى أنا إختي حامل قلت لها كم لها ماشاء الله قالت 3 شهور يعني يوم أكملها ذكليوم كانت إختها حامل ولا علمتني مدري وش خايفه منه بالضبط !!!

أنا ضايقني تصرفها يعني مالها مبرر تخبي علي وانا أعلمها فكل حاجه .. عشان كذا أقولكم ممكن الكذب يسبب حزازيات وعداوات ..


مافيه مثل العفويه والصراحه :)

واذا صارت وحده تلحقك لنتي حامل كل ماشافت خشتك كل يوم والا سوت اتصال وانتي رايحه لهلك هذا السؤال صار مثل السلام عندها تبديه لانه جلست سنه ويوم حملت ماصارت اشوفها ولا تدق ولا كانها تعرفني بس حملت ولا علمتها الا بالشهر الخامس ولاتدري اني في اي شهر حسبالها في الاول بس فكتنى الحين شغاله فينى لين ذكرتني فيك ولد الله يستر بس