ولدي والتحرش الجنسي ارجوا الدخول انا في كرب لايعلمه الا الله

اتفق معها 100 % انتي كلمي اختك وبس هي بتتصرف وتعاقب ولدها بطريقتها
وذا ماسوت شي لا تسكتين هذول مرهقين لزم يتؤدبون من الان قبل لا يبتلي عيال الناس
والله يستركم ويسر الحال ان شاء الله

عندي حلين اختاري الي انسب وبالحالتين ابوه لازم يعرف
ولا ترى لو عرف فيما بعد ماتدرين اش يسوي بك راح يحملك كل المسئولية
وراح يغضب انك خبيتي عنه موضوع مثل هذا ...لان الولد ابنه مثل ماهو ابنه
واحمدي ربك انه الولد له ابو عايش.. اذا مادافع عنه في هالموضوع وحماه دامه موجود لله يطول بعمره اش الفايدة ؟


الاول
تاخذين طفلك لمركز الشرطة على انه متعرض لاعتداء
وياخذون هم باقي الاجراءات الي تاخذ حق ابنك وتحفظ باقي الاطفال من الجاني وتأدب الجاني وتعدل سلوكه .
(وطبعا راح تسوين نفسك مو عارفة من الجاني .. لما وديتيه وهناك ابنك اعترف لهم عشان ما يصير فيه زعل بينك وبين اهلك)

الثاني
تعلمين زوجك هو يتفاهم شخصيا مع الولد (((( ويضربه)))) ويقوله انا ماني معلم ابوك
لكن لو اسمع انك فعلت هالشي مع اي حد حتى لو غير ولدي راح اعلم ابوك واعلم الشرطة وافضحك بين الناس (لانه لو علم ابوه ماعاد فيه شي بيخاف منه)
ولازم ولدك يكون موجود عشان يعرف انه فيه حد ياخذ حقه ويحميه ومايخاف في المستقبل ولا يخاف من تهديده... لازم يكون موجود

وانتي كلمي ولد اختك بطيب على انفراد وعرفي منه ليه سوا كذا (يمكن هو متعرض لهشي) ونصحيه وقوليله انا ماراح اقول لاهلك انا عارفة انك عاقل ومؤدب وهذي نزوة شيطان ماراح تتكرر،، ولو تبكين قدامه يكون افضل عشان يحس قوليله انا ربيت ولدي وحافظت عليه من كل شي حملت فيه وسهرت عليه وعلمته الصح من الغلط واذا مرض اداويه واوديه المستشفى واذا احد زعله اتضايق ما انام الليل واحميه من الناس وبالاخير تجي انت وتسوي به كذا وانا الي اعدك ثقة واتطمن عليه عندك وانت عزوته المفروض ... ..الخ
وبيني له اثم هالشي واثار على صحة وسلوك الشخص وقوليله الي يسوي كذا اذا كبر يحب الناس يسو به كذا ...


وبكل الحالات لاتعلمين احد غير زوجك ولا احد حتى اقرب الناس لك
عشان هاي المواضيع ماينسونها الناس وراح يعيرون ولدك حتى لو كبر وبيتاثر ويمكن حد يستغله مرة ثانية لو درى

لا حول ولا قوة الا بالله


قولي لزوجك وهو يتصرف

مرحبا
والله انكم والنعم فيكم اشكركم من كل قلبي ورب البيت مره مبسوطه منكم خواتي حسيت الدنيا باقي بخير
انا صح المشكله ضايقتني بس اني كسبت اخوات كثيرلا معي قلبا وقالبا لكم الشكر
انا الان كلمت شخص قريب مني ومن الاثنين ووعدني خير طبعا من الاهل المقربين
ووعدني انه يجيني حقي كامل ويحل المسأله من الطرفين من دون شوشره وقلي بيجيكي حق يليق فيكي وفي ولدك بس اعطيني بعض الوقت
طبعا حنا عائله مره قلونا على بعض صدق مو كذب يعني نخاف على بعض بشي ماتتصوروه وعيالنا كأننا كلنا امهاتم ومتكاتفين ياربي لك الحمد ونشيل هم بعض عشان كذا انا مصدومه حييييييييييل وابغى اتصرف برويه وشكرا الف شكر لكل من ارسل على الخاص خاصه الاخت اللي اعطتني رقم ممكن يفيدني بس والله الى الان مقدر ارد بالخاص على احد لازم مشاركاتي توصل 50