!!!!!! تــــحذير هااااام من عصابه تدعي انها من الاتصالات !!!!!!!!
بسم الله الرحمن الرحيم .
بدخل بالسالفه على طوووول .
يوم الاربعاء الماضي اتصل على رقم وطلع واحد هندي ويقول انه موظف بشركه الاتصالات السعوديه وقالي انتي فزتي ب200 الف ريال طبعا ماصدقت وقعد يقولي قولي الحمدلله هذا رزق جاك وقالي اذا تبغين تستلمينها اتصلي علينا خلال 10 دقائق وبنقولك كيف تستلمينها المهم قلت له ماعندي شحن _ قالي اشحني واتصلي المهم حسيته يلعب علي قلت له انا بخلي زوجي يكلمك قال طيب وكلمت زوجي ومعاه اخوي قلتلهم السالفه وهم براا البيت قلتلهم اتصلوا عليه وشوفو وش السالفه المهم دق اخوي عليه وقاله نفس الكلام وقاله لازم نفس الرقم الي اتصلت عليه الي هو رقمي تتصل علي منه _ المهم دق اخوي علي وقالي دقي عليه وكان وقت صلاه العشاء ماعندي رصيد وحولت لي اختي 10 وكلمته وقالي انا بعطيك رقم اكتبيه في ورقه وبعدين قفلي الجوال وشوفي هذا الرقم هو الموجود على الشريحه اعطاني الرقم وقفلت الجهاز وشفت الرقم وطلع نفس الي اعطاني هو _
وشغلت الجهاز واتصلت عليه قلت له نفسه قالي طيب خلاص انتي فزتي قولي الحمدلله _اعطيني رقم حسابك علشان احول عليه المبلغ اعطيته رقم الحساب وانا مو مصدقه حاسه اني بحلم وانا يومي ادعي ربي يفرجها لنا حالتنا صعبه يارررب مو مصدقه وكان وقت صلاه العشاء واحمد ربي _ المهم ياحبوبات وكمان قالي عطيني اسمك كامل ورقم الهويه واعطيته هي _
بعد هذا قالي انا خلاص بعد خمس دقائق بحولك المبلغ بس لازم اسدد غرامه البنك والي هي انك لازم تشحنين ب 6 بطاقات ام 300ريال البنك ياخذ منها 200 والباقي يبقى رصيد لك المهم قلت انت تلعب على وانت كذاب وشلون غرامه المهم قالي انا ماني كذاب وانا مجرد موظف بشركه الاتصالات وشلون جبت الرقم الي مكتوب على الشريحه المهم وكمان طلع لي الرقم التسلسي حق الجوال وصدقته والله يابنات الله اعلم بالحال وقلت له انا ماعندي 10 ريال بس بتسلف وانت مسؤؤل لو ماحولتي لي المبلغ المهم قال مره على كفالتي انتي قولي الحمدلله وبعد ماتسددي بحولك المبلغ المهم واتسلف من اخواني وامي المبلغ الي هو 1800ريال علشان اشتري البطايق السته ام 300ريال ورحت اشتريتها وجبتها واخذ الرقم التسلسلي وكمان رقم البطاقه قلت له خلاص بطاقه وحده تكفي قالي انا مااشحنها انا بس اسجلها في الجهاز والباقي بيرجع رصيد لك المهم واخذ البطايق كلها وقالي طيب خلاص خذي رقم الشيك هذا وبكره روحي البنك و اصرفيه بس قلت له بكره خميس مافي بنك مفتوح واصلا البنك اذا مو شيك مختوم مايصرفون له مو رقم بس كذا مكتوب كان يقولي طيب علشان تامين البنك لازم كمان تشحنين ب15 بطاقه ام 300 ريال يعني 4500 قلت من وين اجيب هذا المبلغ وبعدين انت قلت لي انو بعد ماتشحنين ب1800احولك كيف تغير كلامك الحين قال انا مالي دخل هذا تامين البنك وراح يرجع لك ((ويقولي يالله بسرعه انتو الي فزتو 10 والتسعه الثانين شحنوا غير انتي يالله بسرعه علشان احنا سجلنا المكالمه معاك وذحين بنطلعكم في التلفزيون على دبي والسعوديه والجزيره وكل القنوات وبيجي وزير الاعلام وكمان الملك خالد الفيصل علشان يكرمكم يالله بسرعه اشحني انا هنا عرفت انه يلعب على قلت له انت فين الحين علشان بجيك وبعطيك البطايق وتحول بعده المهم قالي اسمي محمد فيصل وانا في برج المملكه في الدور الثاني مكتب رقم 2 وقلت له انا خلاص بقفل واجيك قال لا لازم بالجوال__وصار يقولي يالله بسرعه ذحين بيطلعون على التلفزيون وانتي الباقيه بس احنا نستناك انتي بس .. المهم قلت لا انا ماعندي هالمبلغ اخذو هالمبلغ من ال200الف الي بتحولونها لي قال مانقدر هذه المدير بس يتصرف فيها قلت طيب عطني اكلم المدير قال انا سوبرفايزر هنا اكبر شي قلت له طيب عطني واحد سعودي اتفاهم معاه قال كلهم مشغولين قلت انا ماعندي هالمبلغ ورجع ال1800وخلاص ماابي 200الف قالي والله انت يشوف تلفزيون بعد شوووي يبكي علشان ناس فيه فوز وانت لا يالله اشحني قلت له شحن ماني شاحنه وفلوسي ترجعها وانت واحد كذاب كان يقول انا مو كذاب انتي اشحني وشوفي المهم قلت ماعندي ورجع لي المبلغ الي اخذته كان يقول انا ماراح ارجعه لان البنك اخذه مو انا وقفل المكالمه وقفل الجوال وخلااااااااص كل شي راح فلوسي راحت والله اعلم كيف جبتها والجوال تقفل حقهم وكل مااتصل علا 902يقولون نعتذر عن خدمتك _
وكلم اخوي واحد من اصحابه ويقول هذولاء عصابه فيه في داخل المملكه وفيه خارجها وهو حذرو عنها لكن للاسف مافي احد منا شاف التحذير _
وهذا هووو الرقم الي اتصل علي 0503615415 ورررررررجاء يامشرفات لاتحذفوه علشان مايخدعون الناس مثل ماانخدعت والله العظيم اني كل الي قلته صدق وربي شاهد علي__
وياليت الي تقدر تساعدني تعرف احد يرجع لي فلوسي جزاها الله خير وكمان حذرو كل الي تعرفونهم _
ورجاء انا مجروحه كثير لاتجي وحده تجرحني زياده ادري اني غلطت لكن هذا ابتلاء ومقدر علي ابيكم تساعدوني انا ماكتبته الا ابي الخير لكم وابي مساعدتكم ودعووواتكم لعل منكم مستجابه الدعاء_ ربي يعوضني خير عن الي راح مني_
حسبي الله ونعم الوكيل
حسبي الله ونعم الوكيل
حسبي الله ونعم الوكيل
لا اله الا الله سبحانك اني كنت من الظالمين_
اللهم اجرني في مصيبتي واخلف لي خيرا منها _