ساعدوني .. كل شهر أمر بتجربه الولادة ....!!!

السلام عليكم


اخواتي انا عمري 30 سنه ،، عندي بنت وولد ما شاء الله , بنتي عمرها 11 وولدي 10 سنوات ,,,,



انا من يوم اني بنت وانا اتعب من الم الدوره ، وبعد الزواج والولادة خف الالم شوي ، لكن من كم سنه قام يجيني الم فظيييييييع وقت الدورة ....


ومن سنه وهوو زايد بشكل مو طبيعي ، احس حتى الولاده اهون ، على الافل الولاده يوم يومين وتولدين ويروح الالم ، لكن الدوره المها يفضل معاي 3 او 4 ايام ، وملزومه اروح شغلي ، ما اقدر اتغيب كل شهر 4 ايام ، ومو بس الشغل والله ما اقدر اطلع من البيت على طول نايمه بالسرير واستخدم مسكنات وتحاميل ، كل ست ساعات ولا يفيد ....



قالت لي امي روحي كشفي عند دكتوره ، رحت وكشفت وعملت لي سونار من تحت ، وقالت كل شي طبيعي بس فيك احتقان بالرحم.... وعطتني حبوب فيتامين مجموعه ب واستخدمتهم على امل يخف الالم لكن هيهات ـ الالم لا خف ولا شي


اليوم ثاني يوم لي من الدورة ، واحس بسكاكين تقطع في رحمي وبطني ،، من الالم اقول ياليت يشيلون الرحم وارتاح استغفر الله ....


قالوو لي بعض صديقاني اكيد فيك سدد ، من امس وانا اشرب حليب ورشاد ما فاد ، الدم خفيف ينزل بس الالم مو طبيعي والله بامووووووووت



ساعدوني كيف ينزل السدد وارتاااااااح؟؟؟؟؟؟؟؟؟؟


ما احب القرفه ولا الكمون ، جبدي تقلب منهم .....


قالوو لي عن العنزروت واشتريته بس حسيته مو نظيف ورميته بالزباله ،، العطارين احسهم يغشون بأغراضهم حسبي الله ونعم الوكيل فيهم ...



ارجوكم اللي عندها حل تقولي عنه


وجزاكم الله خير

أختي أنا في معاناة مع الدورة من 20 سنة أو أكثر لأن عندي انسداد في الأنابيب
ماخليت خلطة ولا علاج مااستخدمتها شعبي وشرعي وطبي ومراخات وكنت أشوف الموت بالدورة أخواتي وحريم اخواني وحمواتي حتى بالنفس مايجيهم مثلي من كثر الالم

لدرجة ان حتى الهواء مايدخل علي نسمة منه اموت واشغل الدفاية واقعد بغرفة مافيها هواء والبس ملابس ثقيلة مرة مرة
حتى ولو لصيف واكل علاجات وادوية قوية مثل الفولتارين واخذ مرات كثيرة ابر فولتارين مع الحبوب والتحاميل من كثر الالم غير الطبيعي الي يجي

وقبل 8اشهر قدر ربي سويت اطفال انابيب ونجحت وانجبت سعد ولله الحمد على حكمه مات في الشهر الثامن وجبته ولادة طبيبعية
والحين انا بالنفاس والله انه يهون عندي ولا الموت الي كان يجيني بالدورة


والله مادري هل السبب انسداد الانابيب ولا علشان كان عندي سحر بيني وولد عمي وحصل طلاق بعد سنة
قبل زوجي الحالي

أسال الله لي ولك العافية

لكن انتي جربي حظك بالاعشاب او الحريم الي يمرخون يمكن تلاقين نتيجة احسن مني

مشكورة يا قلبي على الرد


وان شاء الله ولدج يكون شفيع لج يوم القيامة ....

على فكره حبيبتي انا بحملي الاول بالشهر السابع الجنين مات في بطني وفضل 40 يوم في بطني لان الدكاتره كانو بنتظرون اني اولد طبيعي مو بطلق صناعي ، لكن ما جاني الطلق وبعدها عملوو لي طلق صناعي وولدت وكانت بنت وما فيها ولا شي وقالوو مافي اي سبب بس سبحان الله ، الله كاتب هالشي لحكمته سبحانة .....


ان شاء الله يكونون شفعاء لنا بيوم القيامة يااااارب ,,,, والله يرزقج ويعوضج خييييير مثل ما عوضني ياااااااااارب



حبيبتي بالنسبه لالم الدورة ما تحسين في شي او حبوب استخدمتيها او اعشاب خففت الالم؟؟

او احد قالج ان فيج دم متجمد او سدد او شي؟؟؟

بصراحه عذااااااااب وربي رحمي وبطني يتقطع من الالم

الله يشفيكم ويشفيني
انا يجيني الم يقومني من النوم
الدكتوره تقولي عشان بطانه الرحم عندي ضعيفه يصير فيه الم
قالت لي كولي مسكنات بس مافاد

والله ياقلبي مادري لكن شوفي يمكن شي نفسي لانها تاثر على الدوره كثير... الله يشفيكي