موقف صار لي بسبب الكروشيه >> مقهورة

عزيزتي بثينة

مشكورة وايد على ردك و يعطيج ألف عافية يارب...

فعلا فيه ناس متناقضين .. يقولون شي ويسوون عكسه مثل ماقلتي ينادون بالاخلاق الاسلامية وتلاقينها حاطة دعاء وشطوله في توقيعها وتطلب الهداية والرزق إلخ وفي الآخر عادي تخدع وتنصب على غيرها لانهم مايعرفون شخصيتها الحقيقية . وين الضمير طيب ؟ مايدرون ان رب العالمين يشوفهم ويراقب اعمالهم , اذا انا ماعرفها شخصيا الله سبحانه يعرفها ويدري بكل شي تسويه وتفكر فيه....

يعني لو كانت تبي تتاجر واللي سوته جس نبض ليش طيب؟ كان ممكن بكل بساطة وبكل وضوح تقول لي انها تبي تتاجر وتبي تعرف الاسعار والله اساعدها واقول لها كل المعلومات اللي عندي وماكان له داعي اللف والدوران ....

صدقيني والكلام موجه لكل بنات المنتدى ان أي وحدة تسألني اي شي في الكروشيه في حدود علمي اني مستعدة اساعدها حتى تبي تتاجر وتبي تعرف اسعاري بقول لها وادعي لها بالتوفيق بعد ولا تظن اي وحدة اني بحسدها على شغلها لأن هذا ررزق و الرزق مو بيدي انا ولا بيد غيري من البشر هذا بيد رب العالمين وحده فليش الخوف والخش والدس....


لكن ماقول غير حسبي الله ونعم الوكيل في هالناس .. وانتي ياختي عسى ربي يعوضك بخير .. وعساه يكون خيرة لك ..

واخيرا مشكورة على الاطراء الجميل :)

مشكورة مرة ثانية اختي بثينة :)

هلا اختي احب المكتبة

والله كنت اظن اني الوحيدة اللي صار لي هالموقف بس الظاهر وايد بنات في المنتدى صار معاهم مواقف مشابهة

على يا اختي نصيحة لاترمي تعبك خليه وان شاء الله تحصلين زبونة تاخذهم و يعوضك ربي بكل خير يارب

هلا عزيزتي الطائر الجريح

مشكلة التعامل بالنت انه تصير فيه هالشغلات ولو كل واحد تعامل بضمير كان والله مافيه احلا ولا اريح من التعامل بالنت