شاركي في النقاش

سجلي الدخول لإضافة تعليق.

التعليقات

887
  1. @slaf2120

    تسلمي رؤية وصلت المسج الله يسعدك يارب
    عاد انا اقول طولت في الملكة ملكة من شعبان واهله مرة معصبين يقولوا طول
    وانا فرحانة علشان يكون عندي وقت طويل للتحضيرات

    قللت الصور يالؤلؤة بس شوفي شغله ماشاء الله فن بجد وغير انه لسى ماتشهر كثير فتطمني انه ماراح يتلكع لك ويسوي حركات مالها داعي
    قال لاخويا لو تبغى مسكة مميزة بجد ومن ورود حلوة تحجز قبلها باسبوعين علشان يجيب الورود من برى
    كان نفسي صراحة اشوف شغله على الطبيعة بس يوم مارحت التحلية مول نسيت
    واخويا يوم طلب مسكتي حجز بالتلفون منه لانه يعرفه
    ان شاء الله اروح له على الفرح
    والاستاند راح اعملها كبيرة شوي ان شاء الله واحط اتوجراف وشمعدان وابغى صحن فيه شوكولاتة حبوب زي شوكولاتة حجر عند النقلي تنباع
    او اي نوع شوكولاتة تكون تتاخذ كذا باليد واوزع شموع على الطاولة اللي جنب الاستاند
    طبعا انا مابسوي شي بس راح اشرح لاخويا وهو يروح ويرتب عمره:)

    والله الحين شغالة على صورتي اللي ابغى احطها على الاستاند طالعة بالمرة حلو غيرت شكلي صارت عن جد حلوة

    ترى ماهو شرط ترتاحي علشان تمشي بس تعرفي لما تجلسي في البيت شهر راح تحسي وجهك صاير مرتاح غير لما تكوني بس تخرجي وتلفي تحسيه تعبان
    حاولي تجلسي وتسوي ريجيم وتعملي حمام بخار لوجهك وساونا لجسمك وراح تنحفي ان شاء الله
    وسوي رياضة كمان يعني قدامك فترة وراح تلقي جسمك تغير للاحسن ان شاء الله
  2. @roy_1

    حبةاللؤلؤ
    سلافة وربي وقتها من الفجعة شردت من المحل... هاتي رقم صاحب الكشك وي مااح يقولو شي ولا راسليلي هوا خاص.. شفت املكياج تبع نعومي بس انا حابة اشتري مكياجي من ماركة وحدة ده طبعا للدبش واشتري الغلوسات والحاجات اللي انا احبها بس حتكون لحالها.…
    خمائل الورد..
    مع أني مش من جدة بس أحاول اقوللك اللي أعرفه ..

    ملابس البيت بيقولو ستي ماكس حلو .. مع اني لسا مادخلته..
    كمان عندك الهرم .. تلاقي فيه اشياء كتير وباسعار مناسبة ..
    وفي نايس برايس واخر فرصة..

    وفي محل حق قمصان نوم وجلابيات جنبهم اسمه واحة الجلابية ..
    اتكلمو عنه الأخوات في الموضوع..

    ملابس السهرات ..
    المساعدية ..سوق النجار وماجاوره من محلات..
    سوق لمسات ..

    ملابس..
    روحي التحلية ..وسوق حراء ..
    سوق الحجاز والنجار وسلطان مول..
    ماشاءالله جدة كلها اسواق..

    فستان الفرح .. جربي روحي جدة مول..
    فيهم محلين ديمتريوس ورهيد..
    وكمان المساعدية .. وروحي الحفني يمكن تلاقي شي..

    ممم اكسسوارات وأغراض البيت ..
    الكل بيقولو على البلد .. عندك الكورنيش والمحمل والخاسكية
    بس انا عمري مارحت لكن أكيد بإذن الله رح اروح..
    يقولو المكياج والعطورات هناك بسعر الجملة ..
    بس الأخوات في دا الموضوع قالو العطور حقتهم تتغير ريحتهم..
    واختلفت الآراء..

    وعندك طبعا وجوه ونكتار وبود يشوب وزهور الريف..
    في عندك محل وجوه في فيرست بلازا نسائي ويبيعوا فيه حريم ..يعني تقدري تجربي براحتك..

    ممم روحي ستي بلازا تلاقي ملابس ومكياج وأغراض للبيت وجزم الله يكرمك
    يعني القي نظرة..

    مممم وايش كمان ..
    أيوا شارع صاري كله محلات جزم الله يكرمك ..
    وبنفس الشارع في نزيه .. ممكن تاخدي من عنده سشوار وجهاز بخار للوجه..
    وساونا .. ومقشرات والاشياء دي .. شوفي ايش تحتاجي وخديه..
    وفرش المكياج عنده حلوة أنا جربتها..

    دا اللي فاكرته دحين ..

    ولو في شي معين تبغيه قولي ..وان شاءالله الكل مارح يقصر معك:)

    والله يسعدك ويهنيك
  3. @roy_1

    سلافة2120
    تسلمي رؤية وصلت المسج الله يسعدك يارب عاد انا اقول طولت في الملكة ملكة من شعبان واهله مرة معصبين يقولوا طول وانا فرحانة علشان يكون عندي وقت طويل للتحضيرات قللت الصور يالؤلؤة بس شوفي شغله ماشاء الله فن بجد وغير انه لسى ماتشهر كثير فتطمني ا…
    سلافة ..الله يسعدك..

    الصور حلوة ..
    وفكرة الستاند مرة حلوة ..
    مرة قرأت في منتدى تاني عن وحدة عملت الأوتجراف في ستاند زي كدا..
    زي الأوراق اللي تتقلب على فوق .. فاهمة عليا..
    وبعد زواجها حطته في الصالون..

    مدري جاتني فكرة ..
    ايش رأيك تخلي الأوتجراف زي كدا..
    والصفحة الاولى تكون صورتك أو صورتك مع عريسك ؟

    مجرد فكرة جات دوبها ببالي..

    ماشاءالله انتي طولتي في الملكة ..
    أجل انا ايش اقول..
    مع اني املكت من شهر ..
    بس الله يستر من اللي قدام..

    الله يوفقك
  4. @lzoztkm

    يابنات جده يا حلوين
    ابغاكم تقولولي مين احسن دكتور جلديه لانه شعري معدوووم
    وسؤال ثااني ايش احسن استديو تصوير يطلعني حلوة لانه انا مالي حظ في الصور وجهي مو فوتوجيك بس غير العائله وضااوية لانهم ما ناسبوووني بلييييييز يابنات الله يسعدكم
  5. فيه قلامر شوتس في مركز الخياط...


    يغيرو من شكلك بنسبة كبييييييييييييييييييييييييرة وتصويرهم رائع

تابعي تجارب أخرى من هذا القسم.