اللي مرتاحة في حياتها الزوجية

صباح الخير خواتي
حبيت اقولكم شي بصراحة من كثر ما اقرى من خيانات الازواج لزوجاتهم بهالقسم كرهت الزوااااااااااااااااااااااااااج والرجال ومعد ودي اتزوج للعلم عمري 20 سنة بس والله تعقدت
اللي مرتاحة فحياتها ليتها تقنعني وتطمني

50 تعليق 3,803 مشاهدة

شاركي في النقاش

سجلي الدخول لإضافة تعليق.

التعليقات

46
  1. @sgdh_1

    اهلا حبيبتي انا زوجي ملتزم والحمد لله عارف حق ربه وعايشه معاه وانا مرتاحه والحمد لله

    احبه ويحبني واسال الله يخلينا لبعض لاخر العمر
  2. @tolyn_23_1

    هلا اختي اولا حبيت اقول الله يسعدك ويوفقك ويرزقك بابن الحلال اللى يقدرك شوفي حبيبتي اولا قبل كل شي لا تحصرين نظرتك بالمواضيع اللى كلها يأس وعنف ترا مثل مافي بالدنيا شخص تعيس فيه سعيد ومثل مافي شؤم فيه تفاؤل والحياة الزوجيه ما تستقر وتنجح الا بالحب والموده وهذا كله من الطرفين واحب اقولك فيه من الرجال اللى يقدر زوجته ويحن عليها وقايم بحقوقها والحمدالله احسني ظنك برب العالمين ماتدرين وش مكتوب لك وادعي بكل صلواتك ان ربي يرزقك بالزوج الصالح ويسخره لك ترا هذا كان دعائي قبل ما اتزوج يمكن ما كنت حاطه براسي زواج بس كنت ميقنه ان كل بنت لازم يجي نصيبها وتتزوج والحمدالله ربي رزقني بزوج فيه كل الصفات اللى احبها مو مقصر معي بشي واللي يلفت اختي ترا انا كانت نظرتي للزواج زيك بالظبط كنت خايفه اتزوج واقضي عمري كله متحطمه مع شخص ما يستاهلني كله من القصص اللى اسمعها ولاللاسف تلقيها وتسمعيها بكثره بس ترا والله ما تعتبر واجهه لكلمة زواج خليها بالهامش الله يرزقك يااارب
  3. @am_alaafayf

    له له له..
    وش هالكلام؟؟؟!!!!
    أختي الحمدلله كثييييييييييييييير متزوجات ومبسوطين في حياتهم..
    لكن وش يكتبون..ماعندهم شي ينكتب..
    أغلب اللي يكتبون اللي عندهم مشاكل ويدوروا لها حلول..
    أما اللي مبسوطة ومرتاحة في حياتها مع زوجها..بس تقرأ وتدعي لهم..
    أختي..اللي أقراه هنا في النت..ماأشوفه في النماذج اللي حولي..أخواتي أقاربي صديقاتي..بالعكس معظمهم مبسوطين ومرتاحين والحمدلله..وإنتي بعد شوفي اللي حولك أكيد نفس الشي..
    هذا يدل على إنها حالات فردية..إجتمعت في هذا المنتدى..واللي جمعهم هنا والقاسم المشترك بينهم إنهم كلهم يدورون على حلول..

تابعي تجارب أخرى من هذا القسم.