السلام عليكم و رحمة الله و بركاته ..
صباح الخير يا حلوين :) ..
والله شوفي يا حبيبتي أنا أتجننت عند
فرن الميتاج الأسود الكروم .. يا ويليييييي :) ..
كنت شوية حأبكي زي الأطفال عشان أبغاه :) ..
بس ما حد وافقني عليه قالو الماركة
مو مضمونة وماهي مشهورة وماتعرفي
مستقبلا أيش مشاكلها .. مع إنه وكيلها قوي ..
بس الحمدلله ..
وبعدين أشتريت الويرل بول .. أمريكي ( الله يقطعهم ) ..
وسيراميك .. ممتاز .. ديجيتال .. وفيه العيون مزدوجة ..
يعني هو 4 عيون .. بس يعتبر 6 عيون !!
وماشاء الله تبارك الله مرة ممتاز .. وحرارته عالية ..
ويقولو إنه أحسن نوع هو الويرل بول !!
والأمان فيه حلو .. يعني العين إللي تطفيها
يولع لك لمبة في الوسط تبين لك إن العين هادي
حارة .. وبعدين لمن يبرد خلاص تنطفي ..
وبرضه تنظيف ذاتي .. ينظف نفسه بنفسه ..
حتى الفرن ينظف نفسه بنفسه ..
وأنا عجبني عشان أنا أخاف من الغاز :( ..
وكمان من ناحية الأمان مستقبلا إن شاء الله عشان
الأطفال .. وحتى لمن يزوروكي أطفال ما تخافي يلعبو بالعيون !!
ولا يفتحو لك الغاز !!
بس ترى يسحب كهرباء .. الله المستعان على الفواتير :( ..
وسألت الشركة قلت لهم ما ينكسر أو ينخدش ؟؟
قالولي لا أبدا ما يتضرر لأنهم حاسبين حساب هادا الشي ..
وطبعا مو منطقي تحطي عليه فحم !!
أنا صراحة أخاف أحط عليه فحم ..
أولع الفحم بالولاعة وعلى طول أحطه في المبخرة ..
( الفحم المربعات سريع الإشتعال ) ..
بس يقولو إنه أبو العيون الدائرية الحلزونية
( الكهربائي العادي ) أحسن من السيراميك !!
والله أعلم ..
وفي كمان نوع كهربائي غير الحلزوني ..
إللي هو أبو عيون سوداء مسطحة ..
وأنا أخاف أحط عليه مقلاة !!
عشان المقالي تجي من تحت مدورة ماهي مسطحة !!
وتثبت على فرن الغاز .. وعلى الكهرباء أبو عيون مدورة ..
فدحين إذا مالقيت مقلى مسطح من تحت ..
حأشترى مقلاة كهربائية و أريح نفسي :) ..
تحياتي ..
جــــــــداويــــــــــــة
افرن السيراميك ياقلبي انتم
متابعة النقاش، صفحة 3