بصراحة موضوع مهم ، لأن الحامل حركتها ثقيلة و ما تلحق تخلص من شغل البيت
أنا في منتصف الثامن تقريباً وياربي كل شوي أقوم وأتحرك أحسّ إني خلاص ماعاد أقدر ألبّي طلبات بناتي زي أول
بس سويت طريقة ريحتني كثيييييييييييير
أنا عندي بنتين الكبيرة سنة ثانية ابتدائي والصغيرة 4سنوات ونصف
سويت جدول بحيث يبقى البيت نظيف طول اليوم ونفسيتي مرتاحة
بالنسبة للغسيل (ملابس) ثلاثة أيام في الأسبوع ( ملابس زوجي : السبت ، ملابسي ومناشف البيت والشراشف:الأحد ، ملابس بناتي :الاثنين ) الكوي : أكويه برا .
غسيل الصحون أول بأول عشان ماتتراكم وأتعب فيها .
مسح السيراميك يومين في الأسبوع غير أيام الغسيل .
الحمامات الله يكرمكم : عندي 3 حمامات ، حمامي الخاص مرة في الأسبوع ( تنظيف عميق عشان الحمل بس) وباقي الأيام أشطفه بمطهر ، وكذلك حمام الضيوف ( أصلا ما أحد يجيني ) حمام بناتي ثلاث مرات تنظيف ودعك ، والباقي شطف بديتول .
والآن مسوية حملة شاملة على البيت كل أسبوع لغرفتين ، عشان لما أولد وأرجع ألقى كل شيء مرتب .
الأسبوع هذا انتهيت من ( غرفة جلستنا ، وغرفة بناتي ) والأسبوع القادم إن شاء الله ( غرفة النوم والصالة ) واللي بعده ( مجالس الضيوف ) وخليت المطبخ آخر شيء لأن شغله ما يخلّص ، والتنظيف يشمل ( ترتيب الأغراض ومسح الشبابيك وتنفيض الستائر ، وتلميع الطاولات والتخلص من الأشياء الزائدة وغير ذلك )
آسفة طولت عليكم ، بس حمسني الموضوع
وأهم شيء ( وصية الرسول صلى الله عليه وسلم وذكر الله ) ولا تسوي شغلتين ورا بعض ، ارتاحي على الأقل ساعة ، يعني غسلي الملابس مثلاً وبعد ساعة غسلي الصحون ، وبعد ساعة كنسي ، وهكذا ...
أسأل الله تيسير الولادة لكل حامل
حاااااااااااااامل وشغل البيت متعبك >>> حياااك عندنا
متابعة النقاش، صفحة 2