بنات الإمارات .. و بالذات دبي ..

أهلين إختي عيون المها...

إن شاء الله بسير إلهم في فوتوغرافيا و بشوف ..

و بخصوص رقم وليد عطا الله أتمنى البنات يفيدونج ..

و مشكوره أختي على مرورج الكريم..

السلام عليكم يا بنات ..

إن شاء الله الكل يكون بخير ..

في النهاية حبيت بس أشكر كل اللي مروا على موضوعي و كل اللي ساعدوني ... سواءا بأفكار .. أو حتى بكلمة مبروك ..

والله يا بنات ما قصرتوا وايد .. و كنتوا عند حسن ظني ..

علبة شوكولاته

صراحة ما قصرتي ويايه .. و مشكوره وايد ..

مشاريف

ذوقج وايد مثل ذوقي .. و صراحه شورج و هداية الله .. (ذوقج رووووووووووووعه)

بنت دار زايد

ما تقصرين .. و أنا شفت وقفاتج ويا بنات المنتدى .. صراحه اللي تبا الذوق إتي عندج .. إنتي سيدة أناقة المنتدى (إسم يديد من عندي) :)

الشامخة الخالدي

مشكورة على مرورج الكريم .. و لا تنسين إنتي معزومه ..

نسكافيه

لادونا .. بسوي عندهم كمن فستان .. و ما قصرتي اختي

انا55

مشكوره على مرورج الكريم ..

بداوه

يعلج عقبي إن شاء الله و تعرسين :arb: و تطبخين :7_2_103v: و تغسلين :3_13_12: و تنظفين :3_2_8v:

الغلــا

إنتي أكيد معزومه .. و لا تحرميني من مسجاتج .. و الله يعطيج اللي في بالج يارب

الخطيره

ألف مبروك على الزواج .. يعلج تكونين في قمة الوناسه .. و بسج عاد .. تعالي المنتدى ..

ريمي

أتريا إيميلج .. و صدقيني كل اللي بسويه حق زهابي بخبرج عنه بالتفصيل الممل..

سنفوره

مشكوره على مرورج الكريم ..

أحلى بسمه

مشكوره على الفكرة الحلوه اللي عطيتيني إياها .. و أتمنى تواصلج المستمر ..
و إنتي معزومه ..

عيون المها

أنا فعلا اخترت فوتوغرافيا .. كل حد مدحلي إياه .. و ما قصرتي إختي .. زدتي في إقناعي ..


خواتي .. كلكم ما قصرتوا .. و إن شاء الله موضوعي نفع الكثيرات ..كان أول موضوع لي .. وصراحه ما خذلتوني..
و سامحوني خواتي على المغثه و كثرة الأسئلة .. بردتوا خاطري ..

طبعا كلكم معزومات .. و بزعل لو ما ييتوا ..

مشكورين مره ثانيه ..

اول شي احب اهنيج بحياتج اليديده ان شاء الله وربي يسعدج وايوفقج

ثاني شي حبيبتي انا عرسي راح يكون عقب عرسج ابشهرين ان شاء الله والكل نصحني اني ما افصل فستان وانا راح اطبق هالشي لاني شفت البهدله اللي اتبهدلوها قبلي وصدقني ما راح تندمين بالعكس راح اتوفرين على نفسج وبعدين فكري اذا بتفصلين بهالمبلغ الكبير ترى في ناس يتريون لقمة اكل وما يحصلونها فاحسن لج انج اتاجرين وتستفيدين في باقي فلوسج واذا بغيت فستان انا عندي وحده يعني صار لها كمن شهر امعرسه وفستانها جنان وروعه اذا بغيت حبيبتي افا عليج وفالج طيب بس خبريني باسرع وقت..

اما بالنسبه للميكب فانا راح احطي عند مدونا وميكب جنان وايخبل وفعلا اتخليج اتصيرين مثل اللبنانيات وانا وايد شايفه عرايس يحطون عندها بس صدق ارتفع سعرها وايد بس شو انقول..

اما بالنسبه للتصوير فللحين ما اعرف بس اسمع يمدحون الزورق والكوشه بعدني ما اعرف شو بسوي عنه..

اسمحيلي ع الاطاله اختي واذا بغيتي شي ما ايردج الا السانج..

مشكوره وايد على مرورج في موضوعي و مساعدتج لي .. و سامحيني ما قدرت أرد عليج لأنه كانت عندي امتحانات .. و كانت طالعه روحي :3_3_103:

و على رايج .. يمكن أفصل بس أول لبسه لي وبعدين أرجعه ..
أختي سوت فستانها عند مايكل .. و طلع يجنن .. و سوته ب 24 ألف .. بس والله طايح في الكبت و ماخذ مكان على الفاضي ..

مادونا مكياجها حلو وايد .. اربيعتي ما تسوي إلا عندها .. لكن أنا ما أبا مكياج لبناني ..

و صدقيني أختي ..ما بتردد في طلب معونتج إذا احتجت شي .. و إنتي ما تقصرين ..
ما عليج زود ..

السلام عليكم

بصراحه انا دخلت عشان أهنيج ألف مبروووووك

والله يسعدج ويوفقج ويعطيج الذريه الصالحه


عقبالي ان شاء الله