تجمع الموقنات برحمة الله(خبرات متبادلة حول مراكز العقم في مصر)الجزء ال19

ام هبوبه ربنا يرزقك من حيث لا تحتسبي
وان شاء الله تجربتك المرة دى تكون ناجحة

ماما بكرة حستناكى بفارغ الصبر
ربنا يطرح فبويضاتك البركة ويكتبلك الحمل

عزيزة بطلى هسس وبطلى تقيسي درجة الحرارة
وبالنسبة لابر البرونتوجيست بصراحة مش فاكرة بتغير ريحة البول ولا لا
اصل فالحمل ده مأخدتهاش غير 4 ايام
وكان بينزل فيهم دم فمكنتش بركز غير فالدم وبس
انتى بس متركزيش فالاعراض وان شاء الله ربنا حيكرمك بالذرية الصالحة

معلش يابنات سامحونى انا غبت اليومين اللى فاتو لانى كنت تعبانة قوى وعندى دور برد واحتقان جامد وكنت طول الوقت نايمة فى السرير

وانهاردة الحمد لله احسن شوية فقلت ادخل اطمن عليكم وعلى اخباركم

انا ملاحظة ان شوشو بقالها فترة مش بتدخل ياترى حد يعرف عنها حاجة يقدر يطمنا عليها ؟؟؟



ماما

ربنا يطرح البركة فى البويضات ويكرمك منها بالحمل السليم المعافى ان شاء الله

ام انس
خلى بالك من نفسك وريحيها على الاخر الفترة دى ياقمر وربنا ييسر لك كل امورك ويكمل لك الحمل على خير وسلام وتشوفى احلى بيبى فى الدنيا يارب



مها

مبروك على التؤام ياقمر وربنا يحفظهم لك ويكملك حملك على خير اهم حاجة بلاش اى مجهود خالص
وقوليلى هو الدكتور قالك انك محتاجة ربط او حاجة ولا ايه؟


اودى

يارب تلاقيه راح الجامعة مش المدرسة ياقمر انتى بس اتغذى كويس عشان خاطر البيبى وخلى بالك منه ومن نفسك


ام هبة

نورتى الملف معانا ياقمر

ربنا يكرمك بالحمل السليم المعافى قريب ان شاء الله
انا مش عارفة فى السى فى بتاعك هى نسبة البرولاكتين كده طبيعية ولا عالية شوية ياريت البنات لو يعرفوا يفيدونا لانى مش عارفة الوحدات فى مصر بتتاخد ازاى
لانى هنا النسبة بتيبقى بالمئات يعنى انا مثلا كان بيطلع عندى 156 والدكتور يقولى كويس جدا وساعات البنات هنا يقولو 10 و12 والدكاترة يعتبروها عالية فالموضوع ده ملخبطنى فياريت تسالى حد من البنات هنا عشان تطمنى

على فكرة يابنات

انا كنت عند الدكتور امبارح وطمنى على الوضع الحمد لله بس ضغطى كان شوية عالى مش عارفين ليه

وطلب منى اروح له تانى يوم الاربعاء الجاى وان شاء الله هيحدد موعد الولادة يوم الاربع وغالبا هيكون السبت او الاتنين اللى بعده وهكون كده فى الاسبوع ال37 وان شاء الله قرر ان الولادة تكون قيصرية

بس انا مش عارفة عادى اولد فى ال37 ولا طالما الحالة كويسة الحمد لله استنى شوية للاسبوع اللى بعده مثلا لانى عارفة ان كل ما البيبى يفضل جوة ده بيكون افضل له

ولو ولدت فى الاسبوع ال37 هبقى محتاجة حقن الكورتيزون عشان اكتمال الرئة ولا هى كده اكتملت خلاص؟

ادعولى يابنات ربنا يعدى الفترة الجاية دى على خير

وان شاء الله انا فاكراكم كلكم فى دعائى ويارب اولد وارجع الاقى اخبار الحمل مالية الملف

بوبا يا حبيبتى ان شاء الله تقومى بالسلامة انتى والبيبى بس استخيرى ربنا تولدى فى الأسبوع ال37 ولا تستنى شوية لكن لو الانتظار غلط عليكى اتوكلى على الله واولدى وربنا معاكى