اختي لاتخافين ان شاء الله ولدك ينطق والروضه تحفزة جدا حتى لو واجه صعوبات بالبدايه مثل عدم قدرته على توصيل طلباته للاطفال والمعلمه بس بالتدريج يضطر ينطق ويتقوى
تره اني مريت بنفس هالمشكله مع ابني ودخلته حضانه على عمر سنتين وسبع شهور وماشاء الله بدا التغيير يبين بالتدريج من اول شهر بس طبعا انتي هم الج دور مهم جدا
انتي لازم تجندين نفسك هالفترة لمساعدته بالالعاب التعليميه والبطاقات وحتى ممكن تستخدين النت شوفي اليوتيوب بيه شغلات جدا مفيده للاطفال مثل الارقام والحروف والالوان ورددي مرة ومرتين وثلاثه وحاولي تستنطقيه بس بدون ضغط
تره صدقني حاسه بتعبك النفسي وقلقك عليه لاني مريت بهالتجربه العام الماضي مع ابني وكان نفس عمر ابنك وهسه بعد سنه ماشاء الله تبارك الله سوالفه ماليه البيت الله يفرحك بابنك يارب
ويارب يحفظ ابنك واطفالي واولاد المسلمين
وحبيبتي اذا تحسين نفسك محتاجه مساعده لاتترددين بالسؤال
بس ارجع واقلك تفرغي لابنك انسي النت لفترة هو اللي يلهينا عن اولادنا تره اني هم مثلك ابني اول كطفل ووحدنا بغربه ماكو اختلاط وكنت الهى عنه بالنت واعوفه يلعب قدامي بدون مااسولف وياه ويمكن هالشي اله دور بتاخرهم
مع ان الموضوع بالنهايه مساله استعداد
وصلتني يا وليدي ل900
متابعة النقاش، صفحة 56