---للي عندها بس طفلين تجي ابيها شوي ---

ما عليج من الناس وخلج واثقة من نفسج.. سوي روحج انج انتي وزوجج مأجلين الحمل.. وهاي اعذار:

- الحمدلله 2 كفاية نعمة من الله ولد وبنت

- ابغي ادلعهم اثنينهم وبنتي بسجلها بالروضة أول

- ابغي استانس بعمري شوي انا وزوجي

- ابغي استانس بجسمي

-مالي مزاج طفل يحبسني

أهم شي الثقة وانتي تقولينها: يعني كأنج عن جد اكتفيتي من الاطفال..

بعدين الاطفال انتي الي تربينهم وتتعبين عليهم.. الناس ما وراهم الا الحش والدس وما يعجبهم شي.. حماتي عندها 4 .. اثنين بنات واثنين صبيان ما شاء الله وهي ببدايات الثلاثين.. مرة حرمة سألتني كم عندها؟؟ قلت لها 4 .. قالت : بسسسس؟؟

تخيلي.. حتى لو جبتي 4 بعد بتلاقين الناس يبونج تحملين!!!

انتي شنو تبين؟؟ خاطرج في بيبي؟؟ اوكي عادي .. بس متى تبين هالحمل؟؟

يعني يا عمري لو بغيتين تحملين، حملي عشان نفسج وزوجج مب عشان الناس وكلامهم.. انتي الي بسهرين وتتعبين وترضعين!!

بالنسبة لي .. كنت اقول اذا الله راد بحمل كل 2 مع بعض(ناوية على 4 ان شالله) .. يعني لو صار عندي 2 ، بنتظر بين 3 الى 4 سنوات وبعدها بحمل..

والي يكتبه الله يصير.. وعساه عن صلاح لج.. والله ييسر لج وتحملين يارب...

مرحبا حبيبتي عااااااادي اناعندي طفلين بس عادي مااااااااااااودي احمل بصراحة ومااااااااااااعليك بكلام الناس
اذا ان وابو الشباااب متفقين معليك من احد ومثل ماقاااااالوا الاخووات عاااادي فليهاااااوالله يرزقك الذرية الصااااااااالحة ان شاءالله