السلام عليكم ورحمة الله وبركاته
كيفكم اخواتي اتمنى ان تكونوا بصحه وخير ان شاء الله
مثل ماهو مكتوب بالعنوان كل وحده ابوها متوفي تكتب خاطره فيه او دعاء كنوع من انواع الفضفضه الله يرحم جميع موتى المسلمين.
سبحان الله الابو سند للبنت مهما كبرت ولو كانت متزوجه او عنده يبقى عزوه وسند لنا الله يرحم ابوي ويسكنه فسيح جناته كان نعم الابو والصديق حنون علينا ولايرضى بالاذيه لنا انا وخواتي ومدلعنا اخر دلع من يوم احنا صغار لين كبرنا وتزوجنا ويوم جبت بنتي يقول تحول غلاك لبنتك وصار مايشوف بالدنيا غير بنتي الى ان جاء ذاك اليوم ماراح انساه طول عمري يوم وفاته .توفى فجأه بسكته قلبيه وهو بفراشه بس الحمد لله نطق الشهاده وكانت عنده امي وحزنت حزن طول عمري ماراح انساه احسن الدنيا اسودت بعيني وماراح اشوف للفرح طريق بس سبحان الخالق اللي يخلي الواحد يسلى ويكمل طريقه والحمد لله دايم اتصدق عن ابوي واعتمرت له 6 مرااات ولله الحمد وكان ودي لو احج عنه بس ماسمحت لي الظروف واهم شي يابنات الدعاء ابن ادم ماينقطع عمله اذا كان عنده ولد صالح يدعوا له دايم بصلاتي ادعوا ربي انه يجمعني فيه بجنات النعيم وربي يابنات اذا تذكرته جلست ابكي من قلب بالرغم من مرور كم سنه من وفاته بس للان اتذكر جلستنا مع بعض وسوالفنا وضحكنا وروحتنا وجيتنا الله يرحمه ويسكنه فسيح جناته ويصبرنا على فراقه.احس المساحه اللي تركها بغيابه كبيره مره محد يقدر يملاها لا الاخو ولا الزوج ولا الولد الله يعيننا بس على هالدنيا .
كل وحده ابوها متوفي وتبي تفضفض شوي او حتى تدعي له لها المجال في هالموضوع .
اتمنى اني ماثقلت عليكم وماجددت جرح وحده منكم مع اني عارفه ان مافيه وحده تقدر تنسى ابوها.
رحم الله اموات المسلمين واسكنهم فسيح جناته.
:44:
شاركي في النقاش
سجلي الدخول لإضافة تعليق.
التعليقات
93- الله يرحمك ياابوي ويجبر امي على تربية اخواني ويجبر قلبه
ربي اغفر لي ولوالدي ربي ارحمهما كما ربياني صغير - الله يرحم ابوي ويغفر له ولله يخلي لنا امي ويعينه ويجبره ياااارب
ربي اغفرلي ولوالدي ربي ارحمهما كما ربياني صغيرا - ياربي
فقد الوالدين أو أحدهما مصيبة عظيمة
ومكانهم ما أحد يسده
والله يابنات تعديت الثلاثين ومع ذلك أحس باليتم بدونهم
الحياة مالها طعم ماتلقين أحد يدورك يهتم فيك يسأل عنك
كل الناس تفرح بآخر الأسبوع وأنا أشيل هم وين نروح ؟
من عنده استعداد يستقبلك كل خميس أنت وعيالك ويتحملكم؟
يابنات تكفون الي أحد والديها موجود أو كلهم تبره وتسعده وتهتم فيه وترضيه لأن محد دايم
الله يخليلكم أحبابكم
شكرا ياقلبي خليتيني أفضفض الله يجبر خاطرك ام فخر الله يرحم ابوي ويغفر له ولله يخلي لنا امي ويعينه ويجبره ياااارب ربي اغفرلي ولوالدي ربي ارحمهما كما ربياني صغيرا
الله يرحم والدك ووالدي وجميع موتى المسلمينأم تيمو ياربي فقد الوالدين أو أحدهما مصيبة عظيمة ومكانهم ما أحد يسده والله يابنات تعديت الثلاثين ومع ذلك أحس باليتم بدونهم الحياة مالها طعم ماتلقين أحد يدورك يهتم فيك يسأل عنك كل الناس تفرح بآخر الأسبوع وأنا أشيل هم وين نروح ؟ من عنده است…
الله يرحم والديك ويصبر قلبك على فراقهم ويعينك على هالدنيا ويوفقك ياالغلا
مواضيع مشابهة
تابعي تجارب أخرى من هذا القسم.