السبت كنت مشغووووووووولة نظفت مجلس الرجال تنظيف عمييييق والحمد لله أنهيته في يوم واحد لأني كنت فاضية وغسلت دفعتين ملابس وخلصت ودخلت بعدالعشاعلى النت شوية عديت على دوراتي وحليت واجباتي فيها وطبقت اللي يحتاج تطبيق وتعبت رحت نمت
الأحد صحيت متأخرة شغل خفيييف وتكملة غسيل الملابس وبعدها نادوني جاراتي على قهوة العصر بعدها رجعت طبخ ونفخ وعشاءوتنظيف وشاور دااافئ للمكنسة الكهربائية (علشان ماتبرد حرام هههههه)خلصت جلست على النت
وقمممممة الاحباط
المنتدى مغلق للصيانةوتحملت الى يوم
الاثنين صحيت أكل وشرب وتنظيف خفيف وغسلت عباياتي وجلس زوجي على النت ماأعطاني فرصة وأول مانام جلست عليه كملت واجب دورة من الدورات أخذمني وقت طويل وكلي أمل أنهيه وأتفرغ للهمم لكن للأسف طلبتني جارتي أنزل اتعشى معاها لأن أزواجنا عندهم استراحة اضطريت أقفل النت بسرعة وجهزت حلى سريييع وسندوتشات توست ولبسنا ونزلنا وطلعت بأطير من الفرحة
الليلة بأتفرغ للهمم وفتحت النت على سته مواضيع أولها الهمم وفجأة ولدي قفل الكمبيوتر بكل أريحية 
وبعدها كل المحاولات لتشغيله مافيه أمل كان مصيري الى المخدة والبطانية وجاني أرق تعبني كل أنواع التفكير 
مانمت تمام الابعد الفجر الثلاثاء صحيت قبل الظهر تعبااااانة من السهر وانتظر زوجي بفارغ الصبر ومعاه جهازي طلع مافيه أي مشكلة والمشكلة من توصيلة الكهرب بس
شفتوا كيف معاناتي مرة من الشغل مرة من النت مرة من الجهاز وكل مرة مانع
الله لايحرمني من صحبتكم الطيبةومن كلامكم وسوالفكم ويومياتكم ومغامراتكم
والله لايشغلنا الابطاعته وعبادته
والحين أرجع أشوف أبرز الردود اللي فااااتتني
(مقهووورة)
