:26:السلام عليكن ورحمة الله وبركاته اليوم كان غدانا ملفوف بس بصراحة طعمو لذيذ جدا ولو اني مو عاملة دايت كان
ماخليت منو شي>>>>>>>> خخخخخخخخخ الله رحمهم
نبدا اول شي بسلق الملفوف طبعا زي الصورة
1
وهي صورتو بعد السلق
2
وطبعا جهزت الحشوة وهي عبارة عن رز مصري مو بسمتي وطبعا لحمة مفرومة وبصل مبشور وتومة مدقوقة او مبشورة انا بحب يكونو مبشورين بحس طعمتهم بتضل فيهم وملح وماجي وفلفل اسود وكمون وبهار مشكل وكركم وزيت عافية تقريبا كاسة الا ربع صغيرة
3
وبعدمانلف الملفوف بنرصهم بالطنجرة مرتبين
4
وبحط عليهم ماجي وملح وبهار مشكل وكمون وفلفل اسود وزيت عافية برضو كاسة الا ربع وبنحط على الطنجرة مي بس ما بنغطي الملفوف المي للاخر بالمرة بس لحد اول طبقة عشان مايستوي زيادة
5
وبنغطيهم بصحن على قد الطنجرة وبنغطيها بغطا الطنجرة والصحن لساتو موجود وبنخليه على نار عالية لحد مايغلي وبعد الغليان بنوطي النار وبنخليه تقريبا ساعة وبنشيل الصحن واذا شفناه استوى ولسا في عليه مي اما انكم بتخلوه على نار هادية بدون غطا لحد ما تنشف او انكم بتصفو الشوربة يللي بتكون عليه
6
وهاد شكل الملفوف لما استوى وحطيتو بالصينية
7
وهاد صحن لأول وحدة ترد
8
جربوه مارح تندمو ويارب تدعولي وما تدعو علي :26: وخاصة لما يكون مع الليمون ممممممممممممم لذيذ جدا
وصحة وعافية مقدما:27:
شاركي في النقاش
سجلي الدخول لإضافة تعليق.
التعليقات
53
مواضيع مشابهة
تابعي تجارب أخرى من هذا القسم.