شاركي في النقاش

سجلي الدخول لإضافة تعليق.

التعليقات

28
  1. @am_saud_1

    انا كنت زيك قبل سنة ونص تقريبا وكتبت موضوع هنا وبالاخير استقريت على عمل جلسة تصوير عند استديو لمسات في جده
    ويليتني مارحت ..
    المكان كان فخم وقبل التصوير كل شئ تمام بس الاخراج كان عادي وهذا يعتبر من افخم الاستديوهات في جده
    وكمان صارت لخبطه ودفعوني اكثر من 2500علشان اخذ كل الصور على الرغم انهم ما طبعولي الكل بس حسبي الله ونعم الوكيل
    اتفقت معاهم اني اطبع عندهم جزء وانهم يعطوني السي دي بكامل جلسة التصوير
    ودفعت 500 على الجلسة + اني عملت المكياج والشعر عندهم
    طبعا كان مره معفن الميكب ثقيل لو اني حطيت لنفسي كان اصرف قلتلها ايش دا ثقيل قالتلي هذا خصوصي حق التصوير
    والشعر ما اقولكم .. حدث ولا حرج شعري نفش من سشوارها الخايس وخلوها على الله
    واللي يقهر بعد دا كله اني جيت طبعت عندهم 25 صورة ولما جيت استلمهم رفضو يعطوني السي دي الكامل وما عطوني الا الصور اللي طبعتها ولما قلتلهم بس انا اتفقت معاكم على كدا انكرو
    ورجعت طبعت بقية الصور ودفعت من اول وجديد
    والله حتى البوم ما اعطوني ، حطولي الصور في ظرف !!

    المهم بعدها اكتشفت منقذتي زي ما احب اسميها وهي وحده فاتحه شغل تصميم ازياء وتصوير دلتني عليها صديقتي اللي ما انسى معروفها في ابدا لاني صراحه بعد ما عرفتها ارتحت من هم الخياط والفساتين ومن هم التصوير في اي مناسبه
    وترى قد نصحت بيها بنات كثيييييييير هنا في عالم حواء ، المهم اني سويت عندها جلسة تصوير وطلعت الصور مره رائعه الحمد لله
    وحتى صاحبتي تطلبها بين فتره والثانية تصور لها اولادها بالبيت .
    اما عن تصوير الأفراح ما اقولك شئ خيال زي صور الاجانب من زي صورنا اللي كاننا محنطين .. تيجي وتصور قبل الفرح للعروسه في بيتها وعند الكوفير وحركات مررررررره تعطيك الألبوم كانه رحله خلال يوم زواجك عن جد تبقى ذكرى حلوه
    وترى اللي قالتلك تركيب الخلفيات قديم .. عن جد ما عندها سالفه .. لان دي تركب خلفيات صح بس خلفيات جديده وحركات تطلع الصور زي المجلات
    انا وصاحباتي واهلي ما صرنا نتعامل مع غيرها مو علشان شغلها نظيف بس .. بس صراحه لأنها متواضعه وتسوي لنا الشغل من قلب مو مجرد تجاره وبس
    والاهم من كل شئ انها تطبع الصور بنفسها مو عند استديو رجال زي ما بعض المصورات يسوو الله يهديهم


    اتمنى انك من جده علشان تجربي تصويرها
    واذا منت من جده الله يسهلك استديو كويس وتطلع صورك ولا احلى يارب
    بس نصيحه اخت انتبهي وركزي في بحثك على شيئين
    1- ان يكون الاستديو اللي تتعاملي معاه عنده طابعاتو الخاصه واللي يشتغلو عليها نساء
    2- انهم يعطوكي سي دي بكل صورك علشان تحتفظي بيها وتطبعي منها باي وقت تحبي
    ترى والله اغلبهم ييعطو سعر رخيص وبعدين يمسكوكي من يدك اللي تعورك ويسحبو منك فلوس تمام وقت الطباعة زي ما صار معايا

    الله يوفقك اختي اتمنى اني افدتك

تابعي تجارب أخرى من هذا القسم.