اللوبي المغربي

على سلامة الرجعة كيف خليتي داركم :27: ياختي حنا غير تانضحكو والبورطابلات أنا مجربة تقريبا كلشي الماركات ما لقيت ماحسن من نوكيا

آشمن شقا ياكما كاتصاوبي الهيضورة :D أنا بعدا التخصص ديالي نهار العيد هو البطبوط صافي :) وداك الشي لاخور الرجالة تايديروه الله يعز الحكام ههه بصح مللي جيت لفرنسا ما عيدت

اختي طيبات كلامك كله صحيح وتبارك الله عليك و الله يكملك بعقلك اما سمحيلي الى علقت بشي ملاحظات


اختي راحنا ما تجمعنا في هذ اللوبي غير باش نفوجو على بعضياتنا هم الغربه وربي لي عالم اش كنقاسيو وبالاخص للي عايشين في دول مش عربية هداك الشي علاش البنات يضحكو ويتحتتو وكدلك اختي باش نستفدو مين بعضياتنا في الطبخ المغربي راك عارفه لواحد الى بعيد على بلادو حتى الوصفات يتلفولو مع الوقت ومايلقاش من يسول ولكن هادا ما يمنعش اننا كنتستفيد بزاف حتى من الناحيه الدينية وهداك علاش كندخلو بزاف لهاد سيت اللي بالنسبه لي سيت شامل وفوق هادا ملتزم.
والى كانت حتى وحده فينا ما كتبت شي ملاحضات على المساكين فهادا ماكايعنيش اننا ما كنفكرو فيهم والله العظيم وربي اللي عالم شحال تيبقاو فينا الناس ملي نهبطو المغرب ابتداءا من عائلاتنا هما اللولين ها للي بيطالي و هالي باغي تعاونو باش يعمل مشروع ولفلوس غير على قد الحال وزيد المساكين لي تشوفهم في الزنقة وقلبك يتقطر عليهم وتعطيهم ونتا عارف انك الي عطيتهم قليل ومع دلك الواحد كيعمل جهدو والله شاهد ان ضروفنا ميش تلهين واوربا مين كيف قبال راواخدا غير الشنعة
على والو راحنا عايشين هنا اكثرتنا عاديين والي دارو الفلوس غير من الحرام اما الى بغيت الحلال راك تعيش عادي ولكن الحمد لله احنا لي ختارينا طريق الحلال.
يعني بغيت نقول الى كانو داركم محتاجين فداركم اولى وكيف ما قال الله تعالى
،،وآتى المال على حبه ذوي القربى واليتامى والمساكين ....،، يعني ذوي القربى هما اللولين.
شوفي هادا شي للي قلت ما كيعنيش انني نخالفك الراي بالعكس انا معاك في شي حوايج ووصيتك نعملو بيها ان شاء الله وانتي ما بغيتى لينا غير الخير وجزاك الله كل خير اما انا غير الجملة نتاع ** قاعدين نهدرو ا غير فى الطياب و الخدمة و اشا كانديروا و نضحكوا ** هيا للي ما عجبتنيش
وسمحيلى

مسا الخير يالبيكسات
هبهوبه باقا عاقله ياختي على الهيضوره .. انا كنت كانحماق نحك معاهم الهيضوره .. زوينه ديك اللعبه هههههههه

حب زوجها لاباس عليك يالزين
وتانتي غبرتي .. عنداك يعاديوكم دوك الهرابات لي تانشدهم ونصاوبهم مع راسهم

كيدرتي مع شي برد .. ياختي الله يكون بعوان البنات لي فاوروبا ..راهم فتلاجه ..