ايه وفي موقف ثاني بعد لي كنت معزومه على عشا وبنفس الوقت عند موعد عند الدكتورة لبست وكشخت ورحت لدكتورتي وخلصت كشفي وعاد مستعجله ولابسه هالكعب والكشخه بروح اترزز بالعزيمه وانا مشيتي بطبيعتي سريعة مسميني السيارة السريعة بالبيت وانا امشي مفحطه قدام الاستقبال وكان كله عيال سعوديين وفلبينيين وكان عامل الله لايبارك فيه مانتبهت له يمسح البلاط مادري وش فيه يوم شافني جاي مفحطه وهو يبعد وعلى ماجيت على البلاط الا ذيك الطيحه الي مادريت بنفسي الا منسدحه على البلاط يوووه فشيله مابعدها فشيله يميني استراحة الحريم ويساري عيادة دكتور بابها مفتوح والمصيبه شنطتي جهه ونقابي صار على جنب وجزمي ... اتلفت مالقيتها وحده طارت باستراحة الحريم ووحده ادخلت عند عيادة الدكتور ارقعت بطاولته وانا من كثر الفشله والله حسيت جسمي تشلل ثلج ماقدرت اقوم تربعت وقعدت منصدمه بغيت اصيح
جاني الدكتور حق العيادة سوري طاير بيوقفني سلمات مدام بيمسك يدي وانا اقوله لا لا عادي عادي من زود الفشله انا اقوم مافيني شي وهو يجيب لي جزمتي وانا اوقف بثقل وضحك هالشباب علي حسبي الله على ابليسهم مايقدرون مشاعر الي طايح وجهه وانا اروح ادور جزمتي الثانية تحت كراسي استراحة الحريم واخذ شنطتي وارجع البيت عرجااااااااا مارحت العزيمه