السلام عليكم
بنات انا ترددت كثير قبل لا اكتب لكم مشكلتي .. بس يوم شفت ان الأمور وصلت لهالحد قلت مالي الا خواتي يساعدوني
أول شي .. انا متزوجه من 6 شهور يعني تونا ما يمدينا نطفش من بعض بس انا من ايام الملكه و انا ملاحظه ان زوجي مايحب يتقرب لي و طبعا وقتها كنت مبسوطه لأني ماودي يقرب قبل الزواج .. و الوالده الله يحفظها كانت قبل الزواج تنبهني ان لازم مايصير شي بيننا و كنت اقول لها لا الحمدلله تطمني شكله عاقل .. بعد الزواج تأكدت انه ما يحب يقرب لي .. يعني شهر العسل كنت توني استحي و اسكت بس بعد مامر شهرين صارحته و قلت له انت ليش ماتحب تقرب مني ؟ و صار يتلعثم و مايدري وش يقول و يقول لا توسوسين انا احبك ومافيني شي و مدري ايش بس كل واحد و قدرته .. مو لازم تسمعين قصص صديقاتك مع ازواجهم و نصير مثلهم ( لأني انا قلت له ان صديقاتي اول ماتزوجوا كان وضعهم غير و كل واحد مبسوط بزوجته ) و انا الحمدلله يارب كل الناس تشهد لي بالجمال و السنع و ريحتي دايم حلوه و نظيفه و احب كل شي يكون مرتب ابتداء مني لغرفتي لبيتي لكل شي .. يعني ماتقولون لي يمكن انتي مقصره بشي !! والي بتقول لي سويله مفاجآت و البسي له و مدري ايش بقول لها اني تعبت من كثر ماسويت .. بس انها تزين بلحظتها و اليوم الثاني نرجع زي ماكنا .. يعني انا تعبت و انا اذب عمري عليه بصراحه :( والحين عقب ماحملت ( ماشاءالله ) صار يتحجج اني حامل و خايف علي عشان مايصير بيننا شي
تعبت والله يا بنات .. تكفون علموني وش اسوي ؟ يعني الواحد يتزوج عشان يعصم نفسه مو عشان يحرمها !!
شوروا علي الله يخليكم و مشكورين :39:
ملاحظه : لو سمحتوا مابي احد يقول عنده ضعف لأنه بسم الله عليه مافيه شي .. و ثاني شي لحد يستخف دمه و يقول شلون حملتي .. انا ماقلت انه مادخل علي بس اقول انها بين فترات متباعده مره .. صدق في ردود ترفع الضغط وتخليك تتحسفين انك تفتحين قلبك لأحد !
الموضوع مغلق