هلا ومرحبا ام الفراشتين
وعليكم السلام وحياك الله بينا
احنا بخير
انتي شخبارك
ابد كلنا تحت امرك يالغاليه اسالئي واحنا نجاوب باللي نعرفه
حلو ماشاءالله انك حصلتي بكرة وانتي توك حاجزة؟
مايحتاج تحجزين موعد للسونار هي يالغاليه تسوي لك اياه بنفس الوقت
انا جربت نصفي عندهم وماشاءالله الدكتور كان مرررررة متعاون معي ويده خفيفه وتعامله رااااااااااااااااقي وانسان محترم جدا جدا جدا
اسمه محمد وفيه دكتور عهد ماشاءالله كلهم ممتازين
دام تولدين قيصري طبيعي بتحدد لك موعد للعمليه يالغاليه وهي الي تسويها لك والله يقومك بالسلامه
غرفتك على طول تكون خاصه بس اذا تبين غرفه في اي بي ولا الجناح تطلبينهم وطبيعي تدفعين الفرق بس غرفتهم الخاصه حلوة
يوفرونك لك الكلوتات استخدام مرة وحده والكوتكس والروب تبع الحمام والشبشب
وبالنسبه للبس البيبي هم يلبسونه من عندهم انتي اذا تبين لبس كشخه للضيوف خذي من عندك بس انا ماانصح فيه اهم شيء لبس وقت الخروج من المستشفى اخذيه من عندك لان بيطلبون منك اللبس وقت الخروج تبدلينه عشان ياخذون لبسهم
والله يقومك بالسلامه ويهون عليك يالغاليه
وتبشرينا بسلامتك وتقولين لنا تجربتك واي سؤال حاضرين للغالين
الملف الرابـــــ 4 ـــــع لـــ((خبرتي+خبرتك بمستشفيات الشرقيه))
متابعة النقاش، صفحة 245