صحيح ما أفهي كثير بس اذا فهيت جبت العيد

‏:)

مر كنت عند ناس في عزيمه عائليه المهم وروني صور ملكه عندهم لما جاء العشاء استغربت في وحده ناقصه ماجات تتعشاء معنا ماادري وينها !



طلعت شايفتها في الصور بس يعني ماهي من الموجودين

بس الحمدلله ماسالت عنها ولا كان جبت الطامه خخخ

انا حصل لي موقف زي موقفك مع المطعم
كنت توي عروس ورحنا نجيب اغراض من البقاله
تخيلو الساعه كم الساعه وحده في الليل
نزل الحبيب يجيب الاغراض وانا استناه
عشر دقايق ربع ساعه نصف ساعه ولا حس ولا خبر الرجال دخل البقاله وماعد طلع
قلت بس جريمه اكيد قتلوه والحين يقطعونه كيف اتصرف وش اسوي ماني عارفه
وانا وسط الهلاوس هاذي الا الساعه صارت اثنين يعني ساعه كامله
ياربي وش اسوي ماني عارفه
واقعد الا الساعه اثنين ونص مافيه لاحس ولاخبر انا خلااااص اعصابي تعبت قلت مافيه حل الا انزل اشوف وش صار واللي فيها فيها
وابغى افتح باب السياره الا مقفل قلت بس بيخلصون على الرجال وبعدين دوري
شوي الا اخونا فالله طالع عادي مافيه شي لا ويضحك بعد
طبعا طلعت حرتي فيه وماخليت كلمه ماقلتها له وهو بس يهدي فيني
قال انا والله العظيم اني ناسي تماما انك معايه وقابلت واحد من الشباب من زمان ماشفته وجلسنا نسولف ونسيت كل شي
وتخيلو بعد الوقت هذا كله طلع صفر اليدين يقول وش الاغراض اللي تبين
قلت بس خلاص ماأبي شي وديني البيت وهو بس يضحك
والله جلست لليوم الثاني تعبانه نفسيتي بسبب الموقف

هههههههههههههههههههههههه الله يسعدكم وربي فطست ضحك هذا موقفي اذكر مره كنت مسافره مع زوجي للشرقيه اخذنا يومين بشقه مفروشه وقلنا بنطلع ونغير الشقه المهم خلصنا وطلعنا وجاء بعدنا واحد يشيك على الشقه المهم انا وزوجي ركبنا السياره خلاص طالعين الا العامل جاي يركض ومعه شحاطي حق الحمام ويأشر فيه بيده ويااااااااااافضيحتي وفشلتي زوجي مات من الضحك وانا وجهي صار الواااااان