( محرم ).....دورة كيف تكونين مصممة أزياء ناجحة ؟ - قسم المناقشة -

هذاتطبيقي ظهر ولله الحمدفستان يصلح مناسبات ويتكون من 3الوان الموف والمف الفاتح ودخلت عليهم الاصفر لانه منسجم مع الالوان والقماش اخترته من الشيفون

ماشاء الله تبارك الله فنانة بجد الله يوفقك يا رب .
بالنسبة لتنسيق الألوان و المعلومات فهي اكثر من رائعة حبيتها مره .
رسم الجسم ممتاز لأنه غالبا المبتدئات يتلخبطو كثير في رسم الأصابع حتى لو كان بالورق الشفاف لكن رسمك للجسم مضبوط .
رسم الأزياء عليه بعض الملاحظات بس ملاحظات بسيطو ممكن تتعدل بشكل واضح مع التدريب وهي استدارة طرف الكم و خطوط انسدال القماش و توضيح استدارة الصدر .
بالنسبة للتلوين كمان رائع و جريء لكن في بعض المناطق الظل خفيف بالذات الجسم ( لو تلاحظي الحدود غامقة و اليد نفسها فاتحه ) و الصحيح هو استخدام تقنية الظل و النور و عمل تدرج و دمج في اللون ..

شوفي هذا الفيديو يوضح فكرة التظليل ( تقنية الظل و النور ) :
فيديو YouTube

متشوقة جدا اشوف أعمالك اكثر ..
بالتوفيق حبيبتي

والله حتى انا مره مستمتعة بأعمالكم
بس ابغا نشاط أكبر منكم

موافقين نضيف أسبوع كمان لهذا الدرس المهم أو ندخل في الدرس الخامس ؟

مرحبا ..
الموديل جدا حلو و نقطة الإهتمام او التركيز فيه هي منطقة الصدر .. يعني الي عندها مشاكل في حجم الأرداف او بروز في البطن راح يجذب العين فوق في الجسم و يبعدها عن المناطق السلبية و طبعا اللون كمان إختيار موفق لأنه كما هو معروف الألوان الغامقة تمتص الضوء و تعطي الإيحاء بالنحف .. بس كان نفسي اعرف ايش انواع الأقمشة الي تقترحيها لهذا الموديل .

بالنسبة للرسم و التلوين .. فيه مجموعة ملاحظات لكن بشكل عام الرسم جيد جدا و نقاط الضعف عادية و ممكن تعديلها مع الممارسة مثل : رسم اليد و الأصابع ( ممكن القدم كمان لأنها مو واضحه في الصورة ) .. استدارة الموديل عند منطقة الصدر لأنه نص الدائرة مش في نص الجسم بالضبط ( وعشان يكون فيه توازن ممكن ترسمي خط طولي يقسم الجسم نصفين لحد ما تنتهي من الرسم وبعدين تمسحيه )
التلوين : نقوش حمار الوحش ماشاء الله تجنن و متقنه مره عجبتني لكن اللون الأسود يحتاج تدريب زي ما قلتي جربي ما تضغطي على اللون بقوة و اعملي طبقات خفيفة فوق بعض ( تقنية الدمج ) لحد ما يطلع عندك اللون متشبع في الرسم .

يهمني جدا اشوف أعمالك القادمة

لي عودة ان شاء الله لتقييم بقية الأعمال