السلام عليكم و رحمه الله و بركاته.......
أنا كنت حامل من أسبوعين ولدت قيصريه طارئه و جبت تؤام بنات في الاسبوع ال26
سبحان الله قبلها بخمسه لأيام كنت في مراجعه عاديه و كل شئ كان سليم بس سبحان الله قبل لا أولد بيوم حسيت أنوا بطني نزلت علي تحت و صار ضغط علي المثانه و ثاني يوم الصباح الساعه 10 حسيت بمغص خفيف جدا جدا ولا جا ببالي إنه طلق لأنوا بولاده إبني البكر الطلق كان مره قوي و مركز علي ظهري و رجلي اليمين يعني أعرف الطلق فما جا ببالي أبدا بعدها حسيت إني أبغ أتبول فرحت الله يكرمكم للحمام و أنا جالسه حسيت بشي يبغ يطلع من تحت فزعت و رحت جرى لغرفتي جبت مرايه أشوف إلا و زي الكيس لونه موف فاتح قاعد ينزل أتفجعت مره و دفيته علي داخل و دقيت علي زوجي و جا طيران و في الطريق في السياره حسيت بطلق خفيف أربعه مرات بس و وصلت المستشفى و لما فحصتني الدكتوره قالت 10 سنتيمتر أنا صرت أبكي و أقول بدرى وقفي الطلق قالولي لو 3- 4 سم ممكن بس 10 مستحيل وولدونى قيصري لأنوا البنوته اللى تحت كانت بالعرض...و صحيت بعدها بساعه و نص و دايخه طبعا و سالتهم البنات عايشين قالوا ايوه و نمت كم ساعه صحيت يعدها و زوجي كان رجع من الحضانه قال لي مره مره صغار زي الباربى جات الدكتوره و شافتني يس قالولى ثاني يوم أقدر أنزل لعنايه الآطفال و أشوفهم...و سبحان الله ثالث يوم ماتت البنت الاولى و بعدها بيوم لحقتها الثانيه حبايبي ما مسكتهم إلا بالثلاجه:44:...الله لا يذوق أحد الموقف
الحمد لله على كل حال دحين لي أسبوعين نفاس من غير بيبى (((لا حول ولا قوه إلا بالله)))
الدكتوره تقول إنوا نزول البيبي اللى فوق فجأه علي أختها سوى ضغط كبير على عنق الرحم و فتحه يعني أي حمل مستقبلا يبغالى أسوي ربط إحتياطي عشان ما يحصل جاجه مشابهه.
سؤالي دحين بعد كم أقدر أحاول أحمل ثاني عشان القيصريه الدكتوره قالت من 6 شهور لسنه و ولدى ما أبغاه يكبر من غير أخوان معاه....الله يعين و يهونها يا رب.
سلام.
شاركي في النقاش
سجلي الدخول لإضافة تعليق.
التعليقات
21- الله يعظم اجرك وان شاء تشوفيهم في الجنة
انا اولدقيصري بعد الاولى حملت وعمرها 8شهور والحمدلله
وعمة بناتي ماشاء الله كل سنة مولود 6ماشاء الله - تسلمي يا رب و ربي يجزيك خير و يخليلك أولادك إن شاء الله
ما كنت تحسي بشد أو ألم وقت الحمل خصوصا لما يكبر البيبي بالشهور الآخيره؟ - سوالي لك حبيبتي انتي حملتي على بنتك وعمرها ثمان شهور جبتيها طبيعي واللى عمليه
لاني انا حملت بعد 11شهر من ولادتي بولدي بس جبته عمليه وخايفه الثاني اجيبه عمليه تكفين علميني:44: - والله حبيبتى انا ولدت بنتى البكرية وجلست عليها 3 سنوات ونص والحين
حامل يعنى احسن لك من سنتين الى ثلاث عشان العملية تاخذ راحتها وانتى
براحتك الله يوفقك يارب ويعظم اجرك... - احملي اليوم
هههههه
اختي حملت بعد النفاس مباشرة مع انها كانت قيصرية والحمد لله ما صار معها اي مضاعفات
والله يعوضك خير ببناتك وتكسبي شفاعتهم
مواضيع مشابهة
تابعي تجارب أخرى من هذا القسم.