السلام عليكم
ودي اقول رايي في الموضوع
اختي ...
انا وزوجي قررنا ناخذ فلا وعمره تقريبا 18 سنه واصحاب البيت ماكان عندهم بزران يعني مومكروف
تحمس زوجي وقال ابي اشتريه وسعره كان 450 الف ريال ومساحته 620م
المهم ماكان عندنا الى 60 الف والبنك بيعطينا 350 الف وعلى اقساط 3600 ريال لمدة 13سنه وطبعا مع ارباحهم يطلع علينا 600 الف ريال تقريبا
المهم حسبناها لو اجلس في الأجار واجمع ال350 بقعد تقريبا ال6سنوات هذا اذا الأجار ما على او قال اطلعوا ولدي يبي الشقه..وطبعا فترة القعده بالأجار بدفع قيمت الأجار وهوا 22الف سنويا يعني خلاال ال6سنوات بدفع للأجار 132 الف ريال
علما ان الشقه ماتقدرين تتصرفين فيها لأن راعي الأجار مايرضى واما فلتك بكيفك
والشقه 3غرف وصاله اما الدور تقريبا 6 غرف وصاله
بحسبه بصيطه طبعا ياخذ البنك زياده وينتهي بالتمليك ولا الأجار الي ندفع وللهوا رايح
والحين ابشركم اني في السنه الخامسه في البيت وابشركم بعد اني بنيت شقتين وملحق بعد ومؤجرات
بس الموضوع يبيله صبر وتنازلات طبعا
والمهم راتب الزوج اذا ممكن الاستقطاع اولا
وانا بالدمام كنت احلم بالشاطي واهل الشرقيه يعرفون ايش يعني حي الشاطي
بس كنت ابي اجار والشاطي مستحيل تحطين شقق والسبب القانون واسعار الفلل غاليه مررررره والمساحات اقل
وشفت ذا البيت الي 71 \د ونظيف بس يبيله شوي تعديلات والحمدالله اني مبصوطه فيه
واي استفسار انا حاظره والله يرزق الكل بيت بالدنيا ولأخره
بس المسئله يبيلها تنازلات وشوي صبر
من شرئ بيت عن طريق البنك /قديم
متابعة النقاش، صفحة 15