والله .. أخـاف أنـكــ بعــد موتـي .. تحــن وتفتح التـابوتــ !! >>>>>

يجي من آخر الدنيا صدى صوت خفي مكبوت
يصيح يقول: وين الحب ؟ ومثلك خانق صوته



ولكن صوته الخافت .بنى وسط القلوب بيوت
تطيح بيوت هالدّنيا .وهو ماطاحت بيوته




تذكّر صاحبك وارجع.تقرّب له ولو بالصّوت
حرام .تضحّك الدنيا عليه. وتطلب سكوته !


على آخر نفس واقف...تجي..ولاّ يجيه الموت
واشوف الموت أحرص منك. وأشوف انّك تبي موته




وأخاف إنّك بعد موته .تحنّ .وتفتح التابوت
وأخاف من القهر.. يقفل بوجهك . باب تابوته


بتبكي والنّدم قاتل ..معاد يفيد .فات الفوت
تبي تفسير لحروف. على التّابوت. منحوته


حروف خطّها بيده قبل تجفى وقبل يموت
لحن . غامض . لمعزوفه . يتيمه . مالها نوته


بترجع لآخر الدنيا ..لمصدر صوته المكبوت
تبي تلحق بقايا الصّوت.( تطمّن) . ماهو بصوته


بروح لآخر الدّنيا .عسى ماينقطع ذا الصوت
أحسّ إنّه يناديني وأحسّ إنّه صدى صوته


رجوعي كان متأخّر. سبقني قبل أجيه الموت
عسى ربّي يسامحني مدام "إنّي" سبب موته


وبدخل في قلوب الناس وله في كلّ قلب بيوت
بعوّض حبّه بحبّ القلوب. وبسكن بيوته


وبصرخ فوق تابوته بصوت خافت مكبوت
ولكن.. من يفسّر لي حروف فيه منحوته؟


يعيش الناس ماعاشوا. وتبقى( قصّة التابوت)
قفل في وجهي (العالم) . بقفلة( باب تابوته)


بصيح. وبختنق. وابكي . ولكن بعد فوت الفوت
عرفت الحين ليه ..آخر رساله.. كانت النوته


(..أنا بالهجر عذّبته.. ولا حنّيت قبل يموت
وهو بالموت عذّبني .. عذابي كلّه سكوته ..
)




--

3 تعليق 808 مشاهدة

شاركي في النقاش

سجلي الدخول لإضافة تعليق.

التعليقات

3
  1. @klly_hnyh

    كلمات رااااائعه ...وكلها معاني .... يعيطك الف عافيه...لا لا وشو الف عافيه؟ يعطيك مليوووووووووون عافيه على هالقصيدة المؤثرة....والله اني تأثرت بــجد....مشكورة قلبي...
  2. @hdyl_hmam_1

    تنشد عن الحال حالي كيف ماشفته وأنا أحسب انك قبل ذا الوقت تدري بـه
    هم جديد على الأول تحملتــــــــــه عنك اتحمل كثير الهم وامـــــــــشي به
    في خاطري لك كلام مير ما قلته اجنبك مايحسك لو حيـــــــــــــــاتي به
    رحت أتمثل بطبع لك تعلمتـــــــــه لا صار لك غالي لياك تشقى بــــــــه

تابعي تجارب أخرى من هذا القسم.