شاركي في النقاش

سجلي الدخول لإضافة تعليق.

التعليقات

1,993
  1. maloka.m2
    الف مبروك للي ولدو ويتربى في عزكم يارب باركولي يابنات اليوم البيبي خرج بعد عشرين يوم والله اني فرحانة مررررة وقلت اقولكم حتى لو ما تعرفوني الحمد لله يارب
    ياحياتي الف مبروك الله يخليه لك ياارب ويتمم فرحتك
    واكيد ياقمر تقولين لنا علشان نفرح معك ونشارك
    احنا مانعرف بعض كثير لكن نتشارك في كل شي
    :39:
  2. @alsaaadh_3

    ماشاء الله البركه اللي ولدو
    يتربو بعزكم ان شاء الله
    وعقبالنا

    بنات ابغى اخر جدول بضيفي معكم:llove:
  3. @cute_mummy

    السعادهـ
    ماشاء الله البركه اللي ولدو يتربو بعزكم ان شاء الله وعقبالنا بنات ابغى اخر جدول بضيفي معكم:llove:
    سنه حلوه على كل الكروشات
    يقالي بافاجأكم واقولكم .. بنات باركولي انا ولدت
    :44:
    مين الحلوه اللي جابت لنا بيبي في 1-1-2011
    عن نفسي حاولت بس ما قدرت للاسف
    :27:

    رورو
    مبروك ماجبتي .. الله يرفعك بالعافيه

    ملوكا
    الحمد لله على سلامة بيبيك .. الله لايفرقكم من شر.. ويرزقك بره

    هايكولتي
    بشرينا كيف الولاده.. خذتك اسعاف؟؟.. عيالك وش سويتي معاهم.. وكيف بنتك مع البيبي بعد الولاده
    وكيفك مع البيبي ولمة العفش؟؟... يختي انا نفس حالتك وما طاعت اولد ..
    :44:

    ديير
    تصدقين نفس حالتي.. لي فتره ما احس بالطلق نهائيا .. بس ثقل وعظام مفككه وقل نوم وارهاق

    بنات تذكرون لما قلت لكم عن شاي اوراق الروزبري .. لا يفوتكم .. ابدي ب2 باليوم وخليها الى 4.. طبعا طعمه مقبول مو مرره شين ممكن تحلينه بعسل او شوية سكر<<< يعجل بالولاده

    يارب تعجل بولادتي ..وتيسر وتسهل لي ولادتي ولاخواتي الكروشات المغتربات بكل مكان.. يارب سخر لنا جندك وملائكتك وعبيدك يارب ياكريم <<< احساس السديس
    :42:
  4. @hky_alanaml

    الله يهون عليكم بنات
    دائما اشوف موضوعكم
    قلت ادخل ادعي لكم......


    واقول لكم عن الاشياء اللي سويتها وسهلت علي الولادة الحمدلله
    انا طبعا ماولدت هنا بالغربة
    ولدت ونفست وجيتكم بالبيبي
    لذلك الاشياء اللي استخدمتها مو كلها متوفرة هنا
    بس بقول لكم وانتم عاد حاولوا توفرونها

    اهم شي واول شي استعيني بالله وادعي من اول ماتحملين ان ربي يسسهل عليك ويرزقك الذرية الطيبة
    واذا جا يوم ولادتك وماولدتي ومر اليوم الثاني ولاااافيه اي بوادر
    روحي املي البانيو بمويه حارة بحيث تكونين تتحملين بس حااارة
    وانقعي فيها نصف ساعه او ساعه
    بس مو اقل من نصف ساعه
    والاهم افتحي وبعدي رجولك عن بعض بحيث ان الماء يوصل للمنطقة اللي بالي بالكم
    وبعدها روحي نامي والا لو كان جماع يكون افضل بعد
    والشي الثاني اللي هو مااااايستخدم الا لما يبدأ معك الطلق ولاتجربونه بدون مايبدا الطلق لانه ممكن يحمي الطلق وانت مابعد انفتح رحمك
    خذي لك منقوع كف مريم
    انقعي الكف الواحد ست ساعات في ماء فاااتر وبعدها اشربيه وبتلاحظين الطلق يحمى عليك ومنتظم بإذن الله
    واشربي كاس ماء مخلوط فيه ملعقة عسل طبيعي
    وكلي تمر قد ماتقدرين والافضل رطب

    وصدقووووني انا شفت الفرق بين ولادتين
    وحده مااستخدمت فيها الا النشي بس
    والمشي مهم طبعا
    بس الولادة الثانية سويت فيها تمارين الولادة وشربت وسويت كل شي
    والحمدلله تسهلت
    اما الاولى ماسويت شي واخذت طلق صناعي والله لايوريكم ..


    والله يهون عليكم جمييييعا،،،