خبيرات الرياض فديتكم ابيكم ضروري

السلام عليكم ورحمة الله وبركاته


مرحبا خواتي .. اختي عروس ونبي انجهزها من الرياض

واختكم في الله ماتعرف شي بالرياض

فابي همتكم معي فديتكم






ابي محلات عبايات فخمة ؟

ابي محلات عبايات حلوة ورخيصة ؟

محلات ساعات ماركات فخمة ؟

محلات ساعات ماركة استخدام يومي وتكون اسعارها مناسبة ؟

محلات بدل حلوة يعني تنانير وبلوزات ؟

محلات جلابيات حلوة ؟

محلات لانجري حلوة ابي الرخيصة والغالية ؟

محلات شنط ماركة ؟

محلات شنط مو ماركة بس تكون حلوة ؟

محلات احذية عزكم الله؟



ادري ثقلت عليكن بس مالي غيركن وان شاء الله ماتقصرن معي .


ناطرتكم فديتكم ...

13 تعليق 4,888 مشاهدة

شاركي في النقاش

سجلي الدخول لإضافة تعليق.

التعليقات

13
  1. @akwas_w7dan

    هلا توووته مبروك لـ إختك
    ولا ثقلتي ولا شيء انا بقولك اللي اعرفه والبنات ما راح يقصرو بـ الباقي
    العبايات حبيتي في أسواق طيبه‘‘
    والساعات ساعات الحميضي مره روعه بالحياة مول وبـ غرناطه وفي محل بمجمع النمر بس ناسيه اسمه‘‘
    والجلابيات في اسواق الاندلس‘‘
    والانجري عندك نعومي والهرم ومحل الريس بالاندلس ومحل الجوده بـ اسواق طيبه
    والشنط محل المميز بصحارى ومحل السفير العقاريه
    والاحذيه الله يكرمك بكل الاسواق اللي كتبتها لكن في محل بـ البديعه مول
    شريت منه كعب الكل يسالني عن ومن وين وينفع للعروس كل كرستال لحد الركب
    لللاسف ناسيه اسمه بس انتي روحي وشوفي هو بـ الدور الثاني>>ياحبها للكعوب ههههههه
    وبس اتمني اكون افدتك...
    وادعيلي ربي يشفيني من العين

  2. @am_talyn_3

    ياعمري الف مبروك لأختك
    وعقبال الانسات يارب
    عمري انا نفس الشي اجهز لاختي
    وبصراحه هذا انسب وقت للتجهيز خصوصا لأن معظم الماركات عندهم تخفيضات
    بمناسبه نهاي السنه
    وللامانه اخذنالها بيجامات وترنقات مرررة حلوة من سنتر بوينت وسيتي ماكس
    وبسعر رخيص اتمنى تروحين لهم يمكن يعجبك شي
    والله يوفقها ياراب


    أموله
  3. لا إله إلا الله وحده لا شريك له ..
    له الملك .. و له الحمد و هو على كل شيء قدير ..
    الحمد لله الذي لا إله إلا هو .. و هو للحمد أهل .. و هو على كل شيء قدير ..
    و سبحان الله .. و لا إله إلا الله .. و الله أكبر .. و لا حول و لا قوة إلا بالله ..
  4. @toooth_11

    صاحبة الموضوع
    ąкώąs ώ7đąн

    الله يبارك بحياتج ومشكورة ياقلبي على المعلومات

    والله يشفيج ياحياتي شفاء تام ويحميج من العين


    زهرة الدين

    الله يبارك بعمرج ياقلبي .. والله يعطيج العافية ويسعدج


    ام تالين


    الله يبارك بحياتج .. وامييين والله يرزق جميع الانسات بالزوج الصالح

    ومشكورة ياحياتي والله يخلي لج تالين يارب

    والف مبروك زواج اختج والله يوفقها بحياتها .


    ماما الحبوبة

    جزاج الله خير ياقلبي .



    وناطرة باقي خواتي يردون علي

تابعي تجارب أخرى من هذا القسم.