شوركم بخصوص النشاف الحراري وغسالة الصحون -يوجد صور-

الأجهزة اللي جربتها
غسالة سامسونج ماأنصحك فيها
النشاف الحراري من ميتاج نفس اللي صورتيه وعاجبني كثير لكن ماأدري فيه فرق بينه وبين اللي بالتجعيد و يغنيني غالبا عن كوي الملابس عامة لكن حقت الزيارات بعض الأقمشة لازم أعيدعليها
وطبعااذا طبقت الملابس مزبوط وهي حارةماتحتاج كوي وأحلى شئ فيها الجنوز والمخمل والبطانيات يعني انتي شوفي ميزانيتك اذا تفرق معاك خذي بدون تجعيد أتوقعها نفس النتيجة
أما غسالة الصحون فلازال البحث والاستشارة مستمر ةوالله يرزقني هي عاجلا غير اجل

& نور & :
الف شكر ياقلبي شجعتيني على الميتاج بس قهر اذا الى الان ماطلعوا كتالوج عربي

flona1 :
مساء النور والسرور كويس ادميرال امريكيه وميتاج برضوه امريكيه وفرحتيني مررره
انهم مدحوا لك اللي فيها عامود لان ميتاج واغلب الامريكي بعامود

ام عبدالملك :
اشكرك ياقلبي على ذكر تجاربك وفعلا سامسونج مو ذاك الزود عند اهلي وماتنظف زين وبالنسبه
لمجفف ميتاج اللي صورته هو اللي فيه زر ازالة التجاعيد يعني نفس حقك تشوفين فيه فايده هالزر
والميزانيه مو مشكله ابدا اهم شيء يكون كويس

ورود باشواك :
مشكوره حياتي على افادتك وبالنسبه لغسالة الصحون السعر مو مشكله اهم شيء تكون كويسه
يعني اللي عندك وش مميزاتها وش تفرق عن اللي صورت تراني مالي خبره مالقيت الا هالنوع
من ال جي بالمحل وصورته

شوفي ياقلبي بالنسبة لي ..

غسالة الصحون ويرلبول ..ممتاااااااااااااازة ولله الحمد حمارة كرف على مايقولون
يكفي اني اول رمضان يمر عليه بدون شغالة واربع عيال ..وفيلا دورين وملحق
يعني بصراحة لولا الله ثم غسالة الصحون مدري وش كنت بسوي ؟؟!!

اخذتها بالفين وسبع ميه وكانت تقريبا اغلى الموجود في ذاك المعرض وسالته لو انت بتشتري وش بتاخذ ؟؟
قال والله اخذ ويرلبول .. لان خرابها نادر ..صرفها للمويه قليل جدا ..وانا اهم شي عندي المويه
كنت دايم اقول لشغالتي المويه اغلى من الذهب بالنسبه ليه ..تقعد تضجك عليه
وانا مرة حبيت اجرب صرفها للموية وحطيت عند لي التصريف سطل مويه متوسط الحجم ولا امتلى فتأكدت ان الرجل صادق ...
واستهلاكها للمويه اقل وهذا اهم ي عندي مع انه ولله الحمد فلتنا لنا محد مشاركنا في خزان الموية اللي حجمه كبير جدا
ولكن الماء نعمه عظيمه حرام نفرط فيها حتى لو كانت بلاش :mad:

وغير كذا قال لي فيها ميزة الفلتر ..يعني لو نسيتي ومانظفتي الصحون لاتخافين فلترها جدا ممتاز ..وانا لمست ذا الشي في رمضان من كثر الصحون ماكنت اركز كثير في مسحها قبل مارصها وكانت ماتقصر تفلتر بقايا الاكل
المسكينة :44::09::icon20:

وكمان قلتله سمعت انها تلمس كهرب ..قال صحيح لكن على كلامه المفروض ماتحطين يدك فيها وهي مشبوكة حتى لو ماكانت في وضع التشغيل لان هيكلها معدن واكد لي انه مو بس الويرلبول بل كل غسالات الصحون لكن انتي اسئلي عن هذي النقطة
طبعا بالنسبه لي لمن احط يدي من جوه والفيش مشبوك تلمسني كهربتها ..فصرت ا ش اسوي اول ماتطفي اللمبة حقت النهاية..افصل الفيش اولا وبعدين امسكها براحتي ..عاد ذا الشي خاص بويربول عن غيرها ماعرف هو وامانته ..

اما المجفف فجاني هديه وماركته غريبة اسمه بادي تاك ..وبصراحة اول مرة اسمع في هذي الماركة
بس والله ممتاز ..ويطلع الملابس حارة وشبة مكوية

طبعا هذي تجربتي الشخصية والبنات طبعا ماقصروا افادوك .. وفي الاخير ارتياحك

بالنسبة لغسالة الملابس فانا على النظام القديم وهو جدا متعب ليه لكن مشكلتي اني مااحس الاوتوماتيك تنظف برغم اقناع كل من حولي فيها ..لكن طبعا مع التعب قررت اشتري اوتوماتيك ..ومو عارفة للآن اش آخذ ؟؟ّ!!

لكن من تجربة جارتي تقول شفت عند قريبتي سامسونج تقول حشى لعبة مو غسالة ماتنظف ابدا تطلع الملابس مبقعة
وبالتوفيق عزيزتي ..

الموديل: LD-2263TH
العرض سم: 60
الطول سم: 85
العمق سم: 63
عدد البرامج: 6

تفاصيل
الشركة الصانعةLGSKU67-40-13877الموديلLD-2263TH اللونStainless Steel شاشة رقميةYes عدد البرامج6 تنشيف سريعYes توفير ماءYes مانع بكتيرياYes مؤقتYes استهلاك الطاقة1.05 KWH نظام حماية لتسريب الماءYes نظام تشغيل صامتYes الطول سم85 العرض سم60 العمق سم63

هذي الموديل الجديد اللي عندي وان شاء الله اكون افتك واي استفسار انا جاهزة