اخواتي بنات حواء جزاكم الله خير ابغاكم تقولو رايكم في اللي انا فيه طبعا كلكم عارفين مشكلتي الاساسيه هو اني ابغة اتزوج ومو راضي يتم شي وهادي مشكلتي للي ما يعرفها
http://forum.hawaaworld.com/showthread.php?t=416092
المهم انا رحت الحج ولمن رجعت من الحج ماما جات قالتلي جاكي عريس المهم انا انبسطت وسألنا عنه وكان كل شي كويس العريس واهله مره طيبن الا انه في حاجه ماهي عاجباني فيها انه لسه ما خلص جامعه بس حيخلصها المهم انا حسيت براحه نفسيا موطبيعيه للعريس حسيت انو هدا نصيبي المهم اهلو شافوني وعجبتهم وكانو مره يبغوني ومبسوطين المهم قالو انو الولد حيجي يشوفني بعد اسبوع وبعدها كلمو ماما وقالو لها الولد عنده اختبار ومو عارف يذاكر فيبغى يشوفها بكره المهم اتصلو كم مره المهم احنا رضينا طبعا انا كنت مره مرتبكه وخايفة ومرعوبه وكنت ادعي ربي انه ارتاح له ويرتاحلي ويتم الموضوع المهم جا بيتنا ... وانا لبست والله يابنات مو مدح ولا كدب بس كان شكلي مره حلو انا مشكلتي دبدوبه شويه والله مو كتير انا كنت خايفه من موضوع دبدتي هادي :( بس هو كان عارف انه انا دبدوبه وقال مو مشكله
المهم دخلت وجا شافني انايابنات لمن شوفتو مررررررررررره ارتحتلو وفرحت وعجبني رغم انه مو مره حلو بس سبحان الله راحة غريبه والله يمكن اقولكم اتعلقت فيه المهم هو العريس دمه خفيف لمن دخل قاعدين اهله يقولو له اتكلم قام قاللي والله انا مكسوف وماني قادر اتكلم وقاعد يضحك وينكت معايا واتكلم مع ماما شويه بس انا يابنات كنت مره مكسوفه ماني قادره اتكلم معاه اتكلمت مع خالته شويه بس هو لا المهم ماما اشرت لي وقالتلي خلاص قومي ..... وخرجو :( هما وقالو لماما حيردو بالتلفون وكلمتني الواسطه اللي هي قريبتي بعدها بساعه وقالتلي ايش قال الولد قال هي مره عجبتني وهاا الشكل اللي انا ابغاه بس ماكنت اتوقع انها دبدوبه كده ( والله يابنات انا دبدوبه بس مو مره ) وقال هي ما اتكلمت ولا كلمه المهم اهلو قاعدين يقولو انو البنت حلوة وماهي دبه مره والدبه تنحف ..واهلها مره طيبين. قالهم خلوني افكر واسوي الخيره واردلكم
هادي الحكايه معليش طولت بس والله انتو الوحيدون الي اقدر اقولكم اللي فيه
ايش معناتو يابنات خلاص ما حيسير شي؟؟؟ ,,,وممكن عشان انا دبدوبه يرفضني؟؟؟
وايش احساسكم ؟؟؟ والله هو كان معايا مره لذيذ يضحك بس هو كمان كان مكسوف ومو عارف يتكلم !!!!! يابنات انا بسوي الخيره كتييييير والله اني مررررره مرتاحاله نفسي يرضى وخلاص تتم الخطوبه والله امس بعد ما خرج قاعده ابكي بكاء نفسي يتم الموضوع يابنات هادي اول مره ارتاح لواحد بدي الطريقه اااااااااااه والله انا بموووووووووووت ادعولي يابنات يارب يجي ويخطبني ويتم موضوعي نفسي افرح
وقولي ارائكم وايش اسوي :(
والله انا في ازمه وضيق شديد ادعولي الله يفرج كربتي
يارب ياكريم فرج همي وكربتي ويسر امري واتمه ياكريم
اللهم يالطيف دبرني في امري بخفي لطفك ولطيف صنعك ...يالطيف اعددتك لرفع كل هم واستعنت بك في كشف كل غم فيسر لي بلطفك كل عسير ان تيسير عليك يسير وانت على كل شي قدير عاجلا غير اجلا
الله يخليكم ادعولي والله من جد بموووووووووووت
عسى دعوة من دعواتكم تكون سبب في سعادتي وتفريج كربتي
الموضوع مغلق