أذكر أن في وحدة من الأخوات بالمنتدى شرحت طريقة عمل قوالب الكاكاو باستخدام بالونات بوريال أذكر
و للاسف ماي عارفه وين راح الموضوع
المهم لقيت لكم بموقع أجنبي الخطوات بالتفصيل و حبيت أعرضها لكم
نبتدي باسم الله
1- أول شي جهزي البالونات اللي تحبين تستخدمينهم إما كبار مثل اللي بالصورة أو صغار للتقديم .
وجهزي الكاكاو اللي تحبين تذوبينه .. في الصورة استخدم جالكسي بمقدار 250 جرام تقريبا و 8 بالونات كبيرة .. بس ممكن تستخدمين جالكسي او آرو أو اللي تحبين
2- ذوبي الكاكاو على نار هااااااااااااااديه و للحرص استخدمي طريقة الحمام المائي
3- صبي الكاكاو الذايب في ماعون علشان لا تنبط البالونه لما تلامس سطح الجدر.. بعدين غطسي البالونة بحيث يغطي الكاكاو ثلثها .
4- على ورق شمع ( وناس تسميه ورق زبدة ) صبي من الكاكاو الذايب مقدار نصف ملعقة كبيرة . و بعدين حطي البالونة المغطسة بالكاكاو عليها . علشان تثبت البالونه و تكون قاعده حلوه بعدين .
بصراحه ما أدري ليش البالونه الصفرا مورمه :)
5- حطيهم بالثلاجة لمدة 30 دقيقة
يتبع