السلام عليكم ورحمة الله وبركاته
كيف احوالكم قارئات :27:
امس وانا مع اطفالي نشوف صلاة الظهر من مكه في قناة القران
قالي ولدي الكبير 4 سنوات ونص
قال ياماما انا ابغى اروح لمكه عشان ادورعلى كعبة الله وادعي عليها (هو يقصد ادعي عندها او فوقها ههههه)
المهم قلت وش بتدعي
قال بقول ياربي ماعاد اكذب وابغى اروح الجنه :44:
قلت ان شاء الله نروح وتدعي عندها
قال انا احب ربي
قلت والله يحبك بعد :27:
قال ماما هو الله شبح ؟؟
قلت ليش :44:
انتي تقولين دايم هو يرانا واحنا ما نشوفه
ويسمعنا وما نسمعه ويعرف كل شي عنا
قلت صح ياحبيبي
قال اجل هو شبح
عشان الشبح يشوف الناس ويسمعهم وهم ما يشوفونه
زي افلام كرتون :44:
انصدمت انا في هاللحظه
وقعدت اشرح له عن افلام كرتون وافهمه
بس المغزى من سالفتي يابنات
شوفوا الغزو العقائدي للاطفال واحنا ننبسط اذا جلسوا عند التلفزيون وريحونا من هواشهم وازعاجهم :mad:
انتبهو يابنات على اطفالكم
انا قررت من هذي اللحظه ماعاد اسمحلهم يشوفوا شي الا باشرافي وتحت عيني
والله يعينا على تربيتهم
شاركي في النقاش
سجلي الدخول لإضافة تعليق.
التعليقات
8- جوجيا
مشكوره على الرد حبيبتي - ماشاء الله عليك الي فهمتيه الله يحفظهم لك
والله انك صادقه افلام الكرتون دماااااااار - مشكوووووره غلا المدينه
واختي نكهه خاصه
لا حبيبتي الامر سهل والقصد منه اخذالعظه والعبره
وتذكير الناس فالكثير منا يغفل عن بعض هذه الامور
وانا بروايتي للقصه لم اكن اقصد ما فهمتيه والاعمال بالنيات
مرورك عطر صفحتي - طيب وايش رديت عليه
- اختي لولو
شكرا لمرورك
بالنسبه لردي على ولدي
طفيت التلفزيون وجلسته قدامي ومسكت يده وقلت ياحبيبي الحين من خلقنا
قال الله
قلت من يعطينا الاكل
قال بابا يشريه من الفلوس
قلت الله خلى بابا يشتغل عشان يجيب فلوس ونشتري اكل
قال صح
قلت والعاب وحلويات
قال صح
قلت من اللي يرسل لنا المطر
قال السحب
قلت مين اللي يقول للسحب نزلي المطر
قال الله
قلت شفت الله يعطيك كل شي حلو
بس الشبح وش يسوي
قال الشبح شرير يحرق الناس ويضربهم
قلت الله مايسوي كذا صح
الله يحبنا ويرحمنا ويدخلنا الجنه فيها العاب وعصيرات وكيك ونلقى فيها الرسول صلى الله عليه وسلم
والخلفاء الراشدين(من يوم حفظته اسمائهم وهو يسأل عنهم ويتمنى يشوفهم)
قال ياماما بس فيه اشباح طيبين مثل كاسبر
قلت صح
بس انت تشوفه اذا طقوه الاشباح الاقوياء ما يقدر يدافع عن نفسه صح
قال ايوه
قلت الله سبحانه ما احد يقدر عليه وهو اللي ينفعنا ويضرنا
واحسه اقتنع بكلامي جدا
ماشاء الله لاقوة الا بالله
بسم الله الذي لايضر مع اسمه شي في الارض ولا في السماء
مواضيع مشابهة
تابعي تجارب أخرى من هذا القسم.