السلام عليكم ورحمه الله وبركاته ..~
اختي الله يرزقني واياكي الحمل السليم المعافى وسائر بنات المسلمين ..~
انا سويت طفل انابيب عند الدكتور عثمان سندي ..برمضان ..
الدكتور قمه صراحه مررا ادمي طيب وخلوق ومنجد يريح يعني احلا شي فيه انو يذكر الله كتير وجهو بشوش دايم مبتسم الله يحميه ,..~
والشي الاحلى انو يوم ترجيع الاجنيه يقعد يذكر الله ويقول ادعيه ويخليكي ترددي وراها يدو مرا خفيفه ماشاءالله ومن جد مايخليكي تحسي بتوتر العمليه ابدا ..~
انا كان يوم ترجيع الاجنه 18 رمضان بس الله مراد ونزلو بــ 3 شوال يعني فشل وكان دم دوره ..
طبعا الفشل ماينسب لدكتور لان دي امور بيد ربنا ..~
لكن كوجه عام الدكتور قمه ..~
الا انو فيه عيب واحد عن نفسي يعني مارتاح بالاسئله معاه احسو يعني يهرج بسرعه مادري كيف اوصفلك بس لمن تروحي ممكن ماتشوفي الشي الي شفتو يمكن انا نفسيه :) ..~
دحين حارجع اسوي العمليه تاني عندو ان شاءالله ..
اعطاني الابره التحضيريه قبل اسبوعين وقالي اول يوم تنزل الدوره ابدا بالابر حقت التنشيط ..
وبرضو عملي العمليه الاولى بمركز صحة المراءه
المركز مررريح جداااااااا التعامل راقي اهم شي يوم ماتروحي يوم السحب تاخدي معاكي كرت العائله ..
المره التانيه لمن رجعتلو عشان اعيد العمليه قالي انتي فين تبغي العمليه بفقيه ولا بصحة المراه يعني خيرني المرا الاولى لا
بس قلتلو المكان الافضل سويلي هيا فيه ..
قالي خلاص بصحه المراة ..~
وصح الشي الحلو فيه كمانه
انو يعطيكي رقم جوالو يقولك اي وقت اتصلي اي استفسار اتصلي
وكنت اتصل باي وقت ويرد ربي يسعدو ..~
بس ياقمر اي سؤال انا حاضره
اذا تبغي اي استفسار عن السعر عن الادويه بعد العمليه اي شي لايردك شي انا بخدمتك وخدمة اي وحده عندها سؤال بخصوص الدكتور عثمان سندي ..~
وموفقين خير جميعاً وربي يجبر بخاطرنا اجمعين ..~
سؤال عن الدكتور عثمان سندي بجدة/قديم
متابعة النقاش، صفحة 6