السلام عليكم
كيفكم
ابغى اعرف اش الاشياء اللي ممكن يعملوها اهل العريس من يوم الشوفه الى يوم الزواج
مثلا لما رحتوا عند اهل العروس اش اخذتوا معاكم :D
ولما جوا يخطبوك اش جابوا معاهم
كيف قدمتوا هديه الشوفه والشبكه لحرمه اخوك او خالك او عمك او من له قرابه بك
وهم لما جوا لك او لاختك او لخالتك او لعمتك او لمن لها صله بك كيف قدموا الهديه
اذا صارت الملكه اش سووا حركات
وانتيفي ملكتك او غيرك اش سويتوا في الملكه يعني اش الحركات وباتفصيل الممل
كيف رتبوا شقه ولدهم اللي هي شقتك اش الشي اللي كان ظاهر وواضح ولا اشتري وحط بس
وانتم كيف رتبتوا شقه اخوكم
خاصه اللمسات الفنيه
لما جوا اهل العروس كيفا ستقبلتوهم
ويوم رختوا كيف استقبلوكم
يوم الفرح هل قدمتوا هديه لام العروس ولا لأ
وهم هل قدموا هديه لامك
ادري كثيره الاسئله بس اذا عشتوا جوا راح يطلع شي
انا في انتظاركم
شاركي في النقاش
سجلي الدخول لإضافة تعليق.
التعليقات
10- سمعي اختي احنا عندنا في الكويت شي اسمه الدزه وهي هديه يعطونه اهل المعرس للعروس بعد ما يتم الاتفاق وتكون عباره عن (شبكه- دبله- ساعه- بخور وعطور وكل ناس على حسب استطاعتهم ) طبعا يتفننون بالصندوق اللي يحطون فيه الدزه وطبعا بهاليوم يكون عمات وخالات المعرس والعروس وجداتهم حاضرين للتعارف وطبعا يعطونهم المهر وغالبا ماتكون العروس مو قاعده معاهم ان شا الله اكون افدتج واذا تذكرت شي اقولج
- شجرة الحنان
هلا وغلا
ماشاء الله
وياليت تفيدنا اكثر ياغاليه
اسعدني مرورك - السلام عليكم ورحمة الله وبركاته
اختي نجاوي تختلف بعض التفاصيل والامور من عائلة لعائلة ...
نحن مثلا اذا نروح نشوف العروسه او العكس هم اييون يشوفون العروسه اييبون معاهم هدية مثل ذهب او عطور عربية وبخور ودهن عود وكاكا
بالنسبه للمهر كل حد وذوقه .. يعني فيه ناس تحطه في صندوق ويحطون فيه كاكاو وورود وكل حد وافكاره وابتكاراته ....
بالنسبه للملجه تختلف نحن عندنا حسب كل وحدة شو تبا ... يعني وايدين يسوون الحفله في الفندق وفيه ناس يحبون يسوون حفله بسيطة في البيت بين الاهل بس
مثلا بالنسبه لخالتي ... المطوع يا البيت العصر وملجت وكانوا الاهل القراب موجودين بس وبعد كم من يوم سوينا حفله في الفندق
بالنسبه للشقه اذا العروس من عندنا نحن فنحن نعطيها جهاز البيت مثل اطقم صحون وهاي السوالف وفيه ناس يعطون الاثات ... بس خالتي هي وريلها اختارو الاثاث وهي رتبت الامور اعتقد
بالنسبه كيف استقبلناهم ... امي سوت لخالتي عزيمه
ونحن من عاداتنا انه نجهز شنطتين ونشتري اغراض للمعرس ونعطيه هدية ونعطي هدية لام و ابو المعرس .. ساعه او ذهب مثلا
مثلا وحدة من قريباتي ملجت من فترة ويوم العيد اشترت هدية لام ريلها وريلها اشترى هدية لامها .. يعني حسب كل حد وشو خاطره .. هي كان خاطرها تعطيها هدية مب انه لازم تعطي ..
اتمنى اكون ساعدج وحبيبتي مب شرط تتقيدين بشي معين كل حد وحسب امكانياته وميوله - uae artist
الله على شرحك ماشاء الله
حلو كذا تعجبني الحده لما تسترسل
باعكس افدتيني
وانا الهدف من موضوعي
فكره من وفكره منك ونطلع بافكار حلوة
وغير كذا نتعرف على عادات بعض اكثر واكثر
مشكوره ياغاليه - موضوع حلو واااايد تسلمووووووووون
مواضيع مشابهة
تابعي تجارب أخرى من هذا القسم.