هل ترضي زوجك يسافر......؟ دعوة للنقاش وطرح الآراء

ترى أخواتي أنا زوجي لمن يسافر لوحده مو ما أبغاه عشان شك فيه أو بأخلاقه لا والله والحمد لله اللي بيحفظه وإذا سافر في الداخل عادي بس السفر الدولي أنا ما أحبه يروح لوحده لأنه مافي داعي يروح ويسيبنا يا كلنا معا يا كلنا جلسنا أحس صعب إنه يتركنا وبعض الأزواج فيهم أنانية يسافروا لوحدهم والله يهدي جميع الأزواج

للعمل فقط أرضى ولغير ذلك أثوووووووور عليه وأعلن التمرد

وعاد زوجي قبل ما ياخذني كان في السنه الوحدة يسافر 4 مرااااااااااااااات ما يشبع
سواها مرة في بداية زواجنا سافر بدون علمي وأنا نفسى كنت في بيت أهلي قام غلق التلفون وسافر ولكني رديته غصباً عن خشمه وسامحته

بعدها بكم شهر حطني جدام الأمر الواقع وطاف ما تعلم من المرة الأوليه قمت هديتله البيت وتشحتف شهرين يحاول يردني وخذا عهد على نفسه انه ما يسافر بدون رضاي
وألحين كمل سنتين ما سافر بروحه مع انه يحن ويزن ويتمنى لكن عرف اني مب سهلة خاصة ان الدوله اللي يسيرها هي المغرب والشلة اللي يسير وياها حدث ولا حرج

زوجى ما يحب السفر بروحه يحب يكون عائلى ولله الحمد بس اذا كان شغل وتجاره فى السنه احسنه يروح مع اخوه الكبير

مستحيل احس اني بتجنن لو يسافر وبعدين انا ابويه شخصيتوا قوية على ازوجتنا انا واخواتي لاننا 5 بنات متزوجين زوج اختي الكبير سوى مشكلة ماله داعي اقول المهم زعلت اختي عندنا وجتنا هي وعيالها 4 وجاء زوجها مسوي فيها وقال ابغى عيالي قاله ابوية اذا انت رجال سنع حالك وبعدين شيل عيالك واختي طلبت الطلاق

قاله ابوية بعطيك حقك وبنتي عندي وطلقها وعيالك مراح تشيلهم حتى يصير عمر الواحد20سنة وبعدين تعالهم وعقدة ابويه حتى رجع لها بطلعة الروح اعطاه اختي وعيالها

عاد يسافر براء بيقول انة يبغى الحريم وهو صدق لو زوجي قالي بسافر اكيد انة يبغى الحريم يعني ايش يبغى يروح يتمتع وانا جالسة في البيت مو جاي الا وانا ميتة من القهر


عندنا الرجل اللي يسافر يعني خارج عن الملة عند ابوية

والله انا باستمرار مع زوجي في سفره وعادة يكون سفره للعمل ..

هي مرتين سافر فيها لوحده مضطر للعمل لمدة اسبوع مرة كان عندي اختبار ثانوية عامة وماقدرت اسافر معه ومرة كنت والده لي شهر ..

لكن للسياحة رجلي على رجله دايما واذا سفرتنا طويييلة الاولاد معانا ومع الشغاله ..

لكن اذا السفرة مو اكثر من 10 ايام اخللي اولادي عند اهلي ..

والحين احنا مع بعض غصبا عن بعض :D لاننا في بعثه واجازتنا نجي للسعودية :)

السعودييييين يجو عندنا واحنا نجي السعودية :D

يعني بالاخييييير مستحيييييل ارضا وطبعا اولا واخيرا الموضوع يعتمد على طبيعة الرجل ..

فيه رجال ماعليهم من كلااام حريمهم وفيه رجال مايحبو المشاكل ..