ممكن احكي لكم تجربة زواجي ؟؟؟؟

جزاك الله خير على الطرح الرائع والمتدرج
واسفه على المداخله التاليه بس علشان خاطرعيون اخواتنا
اهم شي كل واحده تحاول تفهم نفسية زوجها
مثلا بعض الرجال (سمعي )يعني لوكانت الحرمه بروك شيلدز بالجمال والانانسي بالدلع والاجويل بالاناقة ماالتفت لها الالمن تغرقه بالكلام المعسول والمديح والانكسار حتى لوبالكدب مثل أخوك والباشازوجي
بعض الرجال(بصري)يعني لوكانت فوزية الدريع بااللباقة والكلام الجميل مالتفت لها الالمن تكون اخراناقة وجمال وخفة دم مثل زوج اختي كلها حكمة وعقل لكن بعد الزواج اتغيرت اهم شي الموضة والاتيكيت والدلع اللي ماله سنع وياويلها يزيدوزنهاعن54كيلو واللي مساعدها ماشاء الله الجمال والرشاقة لكن الله يعينها في المستقبل
بعض الرجال( حسي)والله ثم والله وحده من صديقاتي زوجها عنيييييد وهي الدلع والجمال وكلامها معاه اللي زي العافيه لكن متبهدله مايتنفد لها طلب الابعدماتسوي له اللي بالي بالكم حتى لو الوقت زنقه او مالها نفس ولحد ثلاث اربع مرات في اليوم علشان يرضى يوديها مشوار والايجيب حاجه
المهم من كل اللي مر انه الرجال مخلوق اناني وحتى تعيشي بسلام اشبعي انانيته حتى لو على حسابك ولك انشاء الله الاجر لانه عند ربك مايضيع شي
مره ثانيه اسفه على اللقافه
تصنيفات الرجال سمعتها في دورة عن الحياة الزوجيه

بسم الله الرحمن الرحيم


هلا ويسلموا لي كل الي مر وعلق وشارك في موضوعي , ام شهوده حبيبتي انا ما عندي مانع اذا ما كان المنع من اداره المنتدى لاني جديده على المنتدى ومااعرف قوانينه , واختي امون فعلا كلامك صح مليون بالميه الرجال مخلوق اناني بالدرجه الاولى .

والحين بكمل لكم تجربتي

المهم قررت انا اتغير وكان بدايه التغيير بعد ولاده ابني وكنت عند اهلي الاربعين كله في هذك الفتره بديت اشتغل على كريمات ومقشرات وبقولكم برنامجي للاستفاده :

1- كنت ادهن جسمي كله زيت الزيتون واخلط معاه ليمون وانام عليه للصبح والصبح اغسله واوادهن جسمي بجرجنز (الصبار والخيار)
2-كنت احط بوجهي اكسترا ديرم رقم ثلاثه وعلى طول بعدها كريم ايديال (بعدين سمعت انه مضر بالبشره )=======>> جلست اول اسبوعين وجهها طماطمه حمره :icon33:
3-قللت الاكل في الاربعين لاني اصلا عاده اضعف بعد الولاده وانتفخ بعد خمسه سته شهور من الولاد ه اما بعد الولاده بشهرين ثلاثه اتم رشيقه ========>> بس الكرش رفيقتها في الحياه سواء رشيقه او متينه خخخخخ

المهم ماخلص الاربعين الا انا عروس وكل من يشوفني يتجنن علي وعلى فكره يابنات ترى اهتمامك بنفسك وانك تشوفين نظرات الاعجاب بنظر غيرك وربي وربي تحسن حالتك النفسيه 100 مرة , وانا دايما اشدد واقول انه اي امرأه في العالم مهما كان شكلها ولونها وجسمها فيها جمااااااااااااااااااااال ولازم تستغله وتحاول تركز عليه ( والدليل على ذلك انه عندي صديقتي سمره بشكل غير طبيعي ======>>يعني هي تطلع عندها زبده :( المهم هذي صديقتي عندها اصرار وتصميم انها تكون بيضه ومن النوع الي تهتم بكل شي في جسمها تعال شوفوها الحين وربي وربي اني الحين صرت استحي احط ايدي عند ايدها ههههههههه
بس هي من النوع الي عندها مبدأ انه اي كريم يبيض تستخدمه مهما سمعت عليه من اضرار وانا دايما احذرها بس بدون فايده , بس الله يبعد عنها الامراض وكل الي تسويه يصير لها جمال وبياض وحلا )

============>> مخلصه الاربعين وصارت في بيت زوجها :icon28:

لما وصلنا البيت كنت مسويه تسريحه ولابسه وكاشخه وانا اشوف ابو الشباب صارت حالته حاله وانا كان الولد يبكي فوقي ======>> والبنت خليناها في بيت اهلي على الاقل نفتك من وحده خخخخخخ :30:
تعرفون ايش سويت تعطرت بنفس عطر وبخور ليله العرس وكنت محنيه ايديني ورجولي , حتى هو لاحظ وقال الله رجعتيني لايام العرس بس الله يسامحه البيبي كان كل شويه يبكي ماهنانا خخخخخخ
المهم انا كانت فيني عاده سيئه , اني اذا اشتغلت شي ولا سويت شي بالبيت احب انه يمدحني او انه يساعدني ========>> كانت يرتفع عليها الضغط اذا بتشتغل في البيت وهو حاط رجل على رجل يتفرج على التلفزيون
ففكرت قلت يابنت هذا شغلك انتي ليش تزعلين وايش ذنبه مسكين , وعلى فكره يابنات اي مجهود بذلتيه ولا اشتغلتيه وتعبتي فيه بس كان مرافق له نظرات العتاب والزعل لزوجك والله ابدا يشكرك عليه ولا يحس فيكي
عشان كذا انا قررت انه اي شي اسويه اسويه بطيب نفس والي يتعبني زياده ما بطلع حرتي في زوجي فكرت في فكره ساعدتني كثير الا وهي



بنك الحسنات


ايش هو بنك الحسنات , شوفوا يا بنات ويا متزوجات ويا اي انسان يعاني من مشكله في حياته , كلنا نفكر الحين انا مثلا عندي مشكله اتفقنا هذي المشكله انا حاولت احلها بكل الطرق بس ماشي فايده , بيكون عندي طريقتين اتبعهم ياما:

1 - اني اندب حظي وانفعل واكتئب واكره حياتي وانكد على زوجي او على نفسي او على الي حولي والسؤال المهم هذي الطريقه حلت مشكلتك ؟؟؟؟؟

2- الجأ لبنك الحسنات , هذا الحساب افتحيه من الحين يا بنات سوي لنفسك دفتر توفير سري ماحد يعرفه غيرك , اي مشكله صادفتيها مع زوجك او في حياتك بدل ما تفقدين اعصابك وتتعبين نفسك لا احتسبيها لله , يعني اليوم عصبتي على زوجك لانه طلع وما اخذك للمشوار الي وعدك ياخذك له , كل مشاعر الغضب والاستياء جمعيها وحوليها لحسنات , تصدقين وربي راح تفرحين بمرور الوقت لانك استفدتي من مشكلتك بفايده كبيره ومهمه وخالده الا وهي لاخرتك
شفتوا كيف ممكن ضبط النفس والهدوء ممكن يتحول لشي يساعدك في حياتك


انا في متابعتي لاحد الدكاتره سمعته يقول انه طاقه الانسان تجذب الاشياء الي هو يريدها

ايش معنى هذا الكلام معناه شي واحد بوضح لك اياه بمثال مش احيانا تستغربين في وحده تعرفيينها تقولين ياربي هذي الحرمه متوفقه بكل شي مع انها اقل منك بكثير اشياء بس تلاحظين انها دايما سعيده ومرتاحه في كل شي بقولك ليش , لانه هذي الحرمه طاقه جسمها متفائله عشان كذا ينجذب لها كل شي حلو بالدنيا ( مو مثل حالتنا نتفنن في جذب الاكتئاب والنكد والحزن لحياتنا لانه طاقتنا سلبيه فتجذب اي شي سلبي في الحياه ولعلمكم يعني وهذا شي بيني وبين كل الي من نوعيتي (الكئيبات ) ترى اذا ماحصلنا شي يزعلنا ندور على شي اي شي بس يرجعنا للدور الي نحنا نحب لا اراديا نعيشه )

ممكن وحده تقول هذا كلام دكاتره علم نفس وما يعرفون شي ايش من طاقه وايش من خرابيط برد عليك والي تقدر تعارضني تجي :16: لسبب بسيط انه عندي حجه وبرهان ما اظن احد يقدر يعارضه قول الرسول صلى الله عليه وسلم


تفاءلوا بالخير تجدوووووووووووووووووووووووه

يا حبيباتي والله مش انا ولا العلماء ولا الدكاتره الرسول عليه افضل الصلاه والسلام بنفسه قال في كلام صريح وواضح تفاءلوا بالخير تجدوه يعني يجيكم يعني تحصلونه يعني باختصار:


اذا اردتي انك تعيشي سعيده راح تعيشين سعيده برغم كل الظروف ولو اردتي الحزن والكآبه ولا يهمك بتجيك الكآبه من المكان الي تريدنه

فديت كل وحده حزينه وتقضي لياليها ودمعها على خدها بس والله العظيم هذي حقيقه يابنات الي تريد تقدر تغير حياتها بتقدر ( على فكره حتى الي مش متزوجه وتقول انا شكلي ما بنخطب ليش انا كذا وتشاءمت ترى تتعقد حياتها اكثر واكثر )

يابنات ترى الحياه سهله سهله ونحنا الي جالسين نصعبها

اعذروني حبيباتي وربي جالسه اكتب وابني فوقي ما خلا فيني شعره من الطفش خخخخخخخخخخخ يبيني افضى له ( حتى الاولاد الصغار انانيين الله يعيننا على الرجال بكل انواعهم واحجامهم هههه)


وللحديث بقيه

لا تسوني بالدعاء :(

ماشاالله عليج
الله يوفقك دنيا واخره

الله يوفقك وييسر لك امرك يارب ويجعله بميزان حسناتك

الله يوفقك ويحفظ لك العيال وابوهم كملي ولا تحرمينا الله لايحرمك من الجنه