بيغلبك تقشير الرومان وبتحتاسى فيه تعالى لقيتلك الحل

السلام عليكم ورحمة الله وبركاته

بصو يا بنات انا لسه طالعه من المطبخ حالا وكتبت الموضوع دا بمن فرحتى س بصراحه ممكن يكون كلكم عارفينو من زمان او بالنسبالكم ما كانش مشكله
بس عنى انا تقشير الرومان دا حوسه بالنسبالى
عيالى بيحبوة وابوهم الله يجزاه خير ويوسع فى رزقه طالع داخل بكيس الرومان وانا اللى احتاس فى تقشيره
وااقشر ينزل بقشره فى الطبق وارجع ااقشر تانى ويرمى علي هدومى لون وحوسه خخخخخخخخخ
..............ماتقولوش خايبه فى المطبخ لا والله ابدا بس بحتاس فى الرومان مش عارفه ليه:35:
المهم مسكت الرومانه دلوقتى ومن الغيظ قلبتها على راسها وهاتك يا ضرب بخشبة السكينه من الغيظ ضربتها من جميع الجهات واجى اقلب الرومانه الاقيها نزلت كل بذورها وفاضيه خالص والبذور نازله نضيفه من غير القشره الداخليه فرحت وزعردتت من الفرحه لولولولولوى.................. حكت قصت حياتها
تعبتو خلاص الطريق اهى
بصى يا ستى
تجيبى الرمانه تقسميها نصين وتحطى نص الرومانه على ايديك بحيث ان راسها تبقى لفوق والبذور لتحت على صوابعك وتفتحى صوابعك شويه علشان تنزل البذور من خلالها فى الطبق وطبعا الطبق تحت ايدك
المهم وتقلبى السكينه وتقعدى تضربى فى الرومانه من جميع الجهات........ضربا مبرحا حتى تستغييييييييييث:mad:
لحد لما تحسى انها خلاص مش بتنزل وتقلبيها تلاقيها فاااااااااااااضيه
وااااااااو يا بنات احساس روعه اخيرا انتصرت على الرومان وخلصت معاناة تقشيره والحمد لله :cook:
المهم انى حاسه انى الناس كلها عارفه الطريق دى الا انا :35: برغم انى والله اكتشفتها من غيظى دلوقتى
اوعو حد يحطمنى لانى مش بكتب مواضيع خوفا من الصواريخ :icon33:
وسلامتكم