شوفوا وش صار لي واحذروا ...............
قد يحتوي هذا الموضوع على محتوى غير مناسب. عرض الموضوع
شوفوا وش صار لي اليوم
اليوم رحت سنتر بوينت اناوبنتي الصغيره عمرها اربع سنوات واختي علشان التخفيضات
المهم تفرقنا انا واختي وبنتي معاي
المهم في رجال لابس شماغ وين مارحنا ورانا في البدايه شكيت قلت يمكن اتخيل بس تكرر الشئ يمكن سبع مرات وسبحان ربي احيانا نصير بس انا وهي افي ناس ونشوفه ورانا وكان يسوي حركات بيده بس ما انتبهت لهما ابدا لااني ما اناظره
المهم في المرات الاخيره كان يقرب مننا واخر مره كان باقي شوي ويصير كتفي بكتفه يعني بشكل رهيب
المهم انا خفت مره وماعرفت وش اسوي
اخذت بنتي ورحنا الكاشيير الا جا ورانا بعد وقام يناظر
فجأه انا ناديت على رجل الكاشيل وقلت لو سمحت قال نعم قلت ممكن شوي وهو استغرب كيف اناديه قال تبين شئ قلت لو سمحت شوي بس
وما ادري (واحمد ربي الف مره ) اني كلمته بشويش ما عليت صويت يعني جا الرجال وقرب شوي مني قلت هذا الرجال الي لابس شماغ وين ما امشي وراي ويناظرنا (طبعا ما احد سمع وش اقول )
الا هو فجأه فضح حاله وقام بصوت عالي قال والله ما كلمتها ولا شئ ولا حتى قربت منها
المهم الرجال في الكاشيير قال تعالي شوي وخلى الوضع كاني بوريه شئ ورحنا شوي بعيد وقال ترى هذولا النوعيه كثير هنا قليلين ادب
انصحك تحاسبين وتروحين ولا تطلعين الا اذا جات السياره واطلعي من الباب الرئيسي لا تطلعين من الخلفي وانتبهي للبنت
ترى صارت مره نفس الحركه وظل الرجال بره يترقب البنت بعد ما خبرت عنه ثلاث ساعات بره وحاول يضربها لما جاها السواق
او ممكن يقلب السالفه عليك ويقول انك تتبلين عليه
بصراحه خفت مره وشكرته انه نصحني ورحت دقيت على اخوي وجا ياخذني وما طلعت الا لما قال انا بره قلت اكيد قال ايه
علشان كذا احذركم انتبهوا حق هالاشكال