رعب الولاده طول فترة الحمل <<< غيرته لحلم جميل

قد يحتوي هذا الموضوع على محتوى غير مناسب. عرض الموضوع
هلا فيكم كروشات
لا تستغربون من الموضوع انا اكثر وحده اخاف من الولاده مع اني جبت ما شاء الله اربعة اطفال
يمكن عشان الولاده الثالثه كانت عسره والممرضات هم اللي عسروها علي
يبوني اولد من غير جراااحه وكل وحده تفهق فيني من جهه لحد ما انفتحت الجراحه اللي قبل
تخيلوا يشققون في لحمك حسبي الله عليهم
والحمد لله ولدت لكن ولدت ومعي رعب الله لا يوريكم
رحت بولد بالرابع وانا ميته رعب من اللي سووه فيني لكن الحمد لله الله سهلها << قصيت حياتي خخخ
المهم الحين انا حامل ومن حملت وانا شايله هم الولاده تخيلوا كل تفكيري من اول شهر للحين بالسادس
وانا افكر بفلم الرعب
وبعدين فكرت ليه ما اشغل نفسي وليه اتعب نفسي بالتفكير منا الحين
المفروض اتحلى على بطني وهو يكبر وعلى شكلي وشكل الكروشه خخخ مع انه مالي بطن
بس المفروض اتمتع باللحضات هذي وهو يتحرك وانا البس لبس الحوامل وانا اطلع بالشارع والناس ترحمني اني حامل خخخ
يعني ارفع من معنوياتي واذا جات الولاده الله بيسهلها وبنشغل بالدعاء والاستغفار
ولحظتها ما راح اقدر اقول لا ما ابي اولد .... كثير تحصل نبي نولد نبي نولد ولجا وقتها قلنا لالالا هونا مانبي
الله يسهل علينا وعلى كل الحوامل
باختصار ليه ما نخلي الحمل حلم جميل ونتمتع فيه بما فيه تعبه
ونحمد ربنا على هذي النعمه اللي الكثير محروم منها
اسفه على الاطاله بس حبيت تشاركوني مشاعري

52 تعليق 5,955 مشاهدة

شاركي في النقاش

سجلي الدخول لإضافة تعليق.

التعليقات

52
  1. @akht_magd

    الله يسهل علينا وعليك يارب العالمين وهي اكيد حلم بس مو جميل والدليل على انها حلم اتحدى وحده تجي توصف الالم اللي كانت تحسه لانها سبحان الله تنساه من يوم تشوف النونو بحضنها بس هذا اللي عندي اتمنى اني ماكثرت بربره ههههههههههههههه
  2. @maaaly_503

    قلب حبيبي سوسو
    الله يسهل علينا :(
    والله صادقه أنا مرتين تعسرت ولادتي وشفت ألوان الألم في الطلق والدفع والألم إللي يجي فترة نفاس نسميه الحس لكن الحمدلله الله لايغير علي دايم أتقبل الحمل وموسعه صدري ولاأفكر في شي يجيب لي التعب النفسي لأني واقعيه سواء فكرت أو مافكرت بمر بمرحلة الولاده وتعبها خلني أستمتع بها الأيام قبل يجي الجد
  3. @ahb_hyaty_2

    الحمد لله غيرنا تبغى الحمل ولو تشوف الموت كل يوم
    الله يسهل ويرزق كل متمنيه للطفل ويجزاك خير

تابعي تجارب أخرى من هذا القسم.