حل جذري حقيقي في التصرف في المال والمشاريع والتوفير وكل شي الموضوع يباله وقفه فقط

السلام عليكم

اسفه يا لوليتا على التاخير
اشكرج مره ثانيه على الكلام الحلوووو

اول شي انتي تعانين من ادمان شديد <<ذكرتيني بنفسي هههه كنت ماارتاح لين اشوف الولت صفر!!!
ومهما كان المبلغ الي في ايدي كنت اصرفه كله في ثواني !!عندي قدره رهيــــبه على تبديد الفلوس !!!
وكنت يوم اضيق اروح السوق !!!!وحس براحه يوم اشتري شي ايا شي !!! يعجبني اريده ولا ما اريده !!


الحل
ماحرمةنفسي من السوق نهائيا بس يوم اسير اقول فقط بلقي نظره
اذا بتقدرين تسوين مثلي انج اتابعين فقط كل جديد عشان يوم يسون سيل تعرفين شو بتاخذين شي جيد
اذا ما تقدرين ممكن تشترين ايس كريم او عصيراو جوكلتاو ورده اي شي رخييييييييييييييييييييييييييييييص مجرد انج اشتريتي
تكونين في حاله جيده ودوم قولي لنفسج
((باخذلي ايسكريم وجوكلت وبدلع عمري ببدكيرومنكير في السبا في المول))
يعني انتي صارفه صارفه قللي السرف قد ماتقدرين وخليها 3 اشيا خدمه مثل العنايه بالشعر الجسم اي شي مع جوكلت او ايسكريم او اي شي سعره رخييييييييييييييييييييييييييييييييييييييييييييييييييص

شوي شوي بتتعودين تسيرين السوق وما تشترين قولي انا انسانه ذكيه ليش اشتري من اول مره
ليش ما الف واشوف واشتري شي جدا مميز وحلو ومن تردين البيت بتفقدين الرغبه في الشراء هذا حل جيد مجرب

اما البطاقه خليها في البيت لا تشلينها ابدا لين تقدرين تتحكمين في نفسج


والخطوه الي سويتيها راااااااااااااااااائعه انج حديتي الصرف وحددتيلج وقت معين في السنه
بس في فكره رائعه للشوبنق بنزلها ان شاءالله كيف تمتلكين خزانه جميله بدون تبذير



الاشيء المكرره شوفي شو تسوين فيها
_سوي جرد لكل ما تمتلكين في البيت والفائض من كل شي
_افرزيه وحددي شو الشي الي تبين تعطينه حد اوتتبرعين فيه والجزء الثاني بيعيه في النت


بالطريقه هذي بتتخلصين من كل الفائض عندج وبتحسين صدق انج مسرفه وكل ما اتين تشترين
بتذكرين الاغراض الي بعتيها وبتتراجعيييييييييين صدقيني





الحل جدا بسيط
تقعد هالانسانه وتقول شو بيكون شعوري لو يكون رصيدي 50 الف ريال في البنك
في كم اقدر اوفرهن ؟؟ وشو السبيل الى ذلك
تفتحين حساب خاص بالتوفير واي مبلغ ايج في البدايه حطي النص مب اقل لانج مسرفه
والنص الثاني اتصرفي فيه بحكمه بتقوليلي كيف بقولج
فنفرض ياج 20 الف
خلي في البنك 10 الف
وخلي في ايدج 10 الف
خمس الاف حطيلها جدول منتظم صارفتنهن صارفتنهن اصرفيهن في شي مفيييييييييييييييييييييد

اشتري
_كم كتاب مفيد في التوفير وادارة المال واي موضوع يعجبج
_اشتركي في الصالون لان الاشتراكات ارخص من المفرد حتى لو ماعندهم قولي لا انا ابا اشترك كلمولي المدير بكم ال6 مرات انا جيه اسوي معاهم اذا الشي يكلفني 150 درهم بالاشتراك راح يكلفني 100 بجذيه انا وفرة 300 درهم وتاخذين ورقه بالاشتراك مع عدد المرات وكل ما حبيتي تسوين في الصالون تسوينه ضمن الاشتراك تنظيف الاظافر او تنظيف البشره او العنايه بالشعر او او او يعني شي بتستفيدين منه
_اختاريلج دوره تعليم كمبيوتر او انقليزي شي يختلف عن الي بتتعلميبه بالكتاب وبجذيه استثمرتي المبلغ فيج
_تسوين لسته بالضروريات الحقييييييييييييييييييييييييييقيه وتحددين كل شهر شو بتشترين منها
_تروحين تسوين جرد للبيت تشوفين شوالي صدق ينقصج وتكتبينه في ورقه ويوم بسيرين تسوين شوبنق ابدا لا تطلعين من الورقه عشان ما تلغبين بالفلوس

بالطريقه هذي انتي شوي شوي بتوجهين تفكيرج للتسوق الصحيح :)

تمن عندج 5 الف ريال
هذي استثمريها قولي هالخمسه اباهن يصيرن 10 باذن الله في خلال 4 اشهر
وتفكرين بافكار حلوه وبسيطه مثال

تشوفين مجمع عندكم او مول تجاري وتشوفين تاجير الكوشك كم يكلف
نقول شهريا يكلفج 1000

طبعا انتي تستاجرين هالكوشك
وتدورين تاجرات يبن مكان يعرضن فيه تجارتهن بس ماعندهم هالمبلغ شهري او بضاعتهن بسيطه ما تسدهالمبلغ
انتي جيه بتفيدين 3 جهات

انتي
التاجره
الي بتمسك الكوشك


انتي بتتفقين مع 20 تاجره فلنفرض كل وحده بتدفع 100 ريال شهري مقابل انهاتحط بضاعتها ويتم التسويق الها وفي شخص راح يبيع وطبعا من كل تاجره تاخذين كمه بسيطه ومن تخلص تيب غيرها عشان الكوشك ما يمتلي
تتفقون مع بنتين وحده تمسك الكوشك في النهاروالثانيه في الفتره المسائيه تعطين كل وحده مبلغ 300 ريال ولها نسبه من التاجرات في بيع الاغراض عشان تشجعون البنت تبيعلكم وتشد حيلها

المشروع بيكلفج 1000 اجار
البنات الي بيمسكن الكوشك 600
الربح مع الخسائر شهري 2000ريال
الربح الصافي 400 ريال بتقوليلي شويه تخيلي تفتحين مع الوقت عشر كشكات كانه بزار صغير والكل يعرض البضاعه عندج بدخلين شهريا 4000الف ريال صاااااااااافي كل شهر سنويا 48000الف ريال +المبلغ الي وفرتيه العشره 58000 الف ريال

طبعا تتنقين البضاعه تكون مختاره وغير متكرره عشان كشكج يكون متميز

بسم الله ماشاءالله ولا حول ولا قوه الا بالله
انتي بس فكري صح وصدقني في خلال كم سنه بتملكين مبلغ كبير ورااااااااااااائع وبتحسين بالفخر بنفسج


اذا تبين اي مساعده انا حاااااااااضره كتبت على عجاله بس لا تترديدن في اي سؤال او طلب ودعواتج لي

السلام عليكم ورحمة الله
شكرررررررررا على كل حرف قلتيه هذا يدل انج ذوووووق ياعسل


نينا ريتجي
رااااااااااااااااااااااااااااااااااااااااااائع تعرفين انتي شخصيه تستحق التقدير الانسان الي يقرا ويطبق ويعمل ويغير سلبياته الى ايجابيات هذا شخص ناجح وتوقعي له مستقبل بااااااااااااااااااااااااااااااااااااااااااااااااااااااااااااااااااااااااااااااهر الى الامام طبقي كل شي بلملي سويلج جداول سوي جرداوقفي مع نفسج وقفه وصدقيني بتنبهرين من النتائج الي بتوصلينها دعواتج الصادقه لي يالغاليه

ام فيصل ربي يجزيج بالجنه حلال عليج بس لا تنسوني من الدعاء

اشكر كل البنات على المرور والمشاركه والدعاء الطيبوالكلام الجميل لكن مثله باذن الله

الله يعطيك العافيه ويرزقك ما تمنييت ودعيت
على هذه النصائح التى تعتبر ثروه
ماشالله تبارك الله

شكرا لك ولاهتمامك

استفدت كثير من ردك ..

تعرفين المشكلة انو لما نروح نقضي للبيت .. صار السوبر ماركت بوسط السوق وهنا انا احاول انني احدد نفسي مااروح الا للسوبر ولا امر ناحية المحلات لو عيوني بتطلع عندي ملابس كثير ماقد لبستها
....وفعلا حركة الصراف بالبيت اعجبتني باذن الله راح اسويها ..

بس الاستثمار انا ماعندي استعداد نفسي ولا حتى البيئة الاجتماعية حولي تساعد انو اعمل تجارة او نشاط لا ابدا ...